گوگل نیوز پر ہمیں فالو کریںاسلام آباد : سابق صدر جنرل ریٹائرڈ پرویز مشرف کا ٹرائل مکمل کرنے اور فیصلہ سنانے کیلئے سپریم کورٹ میں درخواست دائر کر دی گئی ۔
منگل کو درخواست لاہور ہائی کورٹ بار ایسوسی ایشن کی جانب سے دائر کی گئی ، درخواست میں کہاگیاکہ سپریم کورٹ یکم اپریل کو خصوصی عدالت کو ٹرائل مکمل کرنے کی واضح ہدایات دے چکی ہے ۔
درخواست میں کہاگیاکہ سپریم کورٹ نے کہا تھا کہ مشرف کی عدم پیشی پر حق دفاع ختم ہو جائے گا، وفاقی حکومت کیس مکمل ہونے میں روڑے اٹکا رہی ہے۔ درخواست کے مطابق خصوصی عدالت بھی ٹرائل مکمل نہ کرکے سپریم کورٹ کے احکامات کی خلاف ورزی کر رہی ہے۔
یہ بھی پڑھیں: سابق صدر پرویز مشرف کیس کا فیصلہ رُکوانے کے لیے درخواست قابلِ سماعت قرار
