گوگل نیوز پر ہمیں فالو کریںواشنگٹن: وزیر خارجہ شاہ محمود قریشی نے کہا ہے کہ امریکی سینیٹر لنڈسے گراہم سے ملاقات ہمیشہ خوشی کا باعث ہوتی ہے جبکہ انہوں نے پاک امریکا تعلقات میں اسٹرٹیجک پارٹنرشپ پر ہمیشہ زور دیا۔
سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ میری ملاقات امریکی سینیٹر لنڈسے گراہم سے ہوئی جس کے دوران باہمی تجارتی تعلقات کو فروغ دینے پر تبادلۂ خیال کیا گیا۔
پیغام میں وزیر خارجہ شاہ محمود قریشی نے کہا کہ ملاقات کے دوران زراعت اور سرمایہ کاری کے شعبوں میں تعاون کو فروغ دینے پر بھی گفتگو ہوئی۔
وزیرخارجہ شاہ محمود قریشی نے کہا کہ اس دوران پاک امریکا اقتصادی شعبہ جات میں تعاون کے حوالے سے بھی بات چیت ہوئی، ملاقات نتیجہ خیز رہی۔
Always a pleasure to connect w/ Senator @LindseyGrahamSC who continues to fortify Pakistan-U.S strategic partnership. Focussed on need to expand co-op in trade, agri & investment to realize the two leaderships’ vision for more robust economic engagement between our two countries. pic.twitter.com/VXn944WpGN
— Shah Mahmood Qureshi (@SMQureshiPTI) January 17, 2020
یاد رہے کہ اس سے قبل وزیر خارجہ شاہ محمود قریشی نے کہا ہے کہ امریکا کی طرف سے بین الاقوامی عسکری تعلیم و تربیت پروگرام کی بحالی پاکستان کے لیے بہت اہم ہے۔
امریکی دارالحکومت واشنگٹن میں وزیر خارجہ نے امریکی نائب سیکریٹری دفاع جان روڈ سے ملاقات کی۔ ملاقات میں پاک امریکا دفاعی تعلقات اور خطے میں امن و امان کی مجموعی صورتحال پر تبادلۂ خیال کیا گیا۔
مزید پڑھیں: عسکری تعلیم و تربیت کی بحالی پاکستان کے لیے اہم ہے۔وزیر خارجہ
