گوگل نیوز پر ہمیں فالو کریںوفاقی وزیربرائے انسانی حقوق ڈاکٹر شیریں مزاری نے کہا ہے کہ مودی حکومت کا ایوان نازیوں کے نسل پرست ایجنڈے کا شکار ہوچکا ہے۔
سماجی رابطے کی ویب سائٹ ٹوئٹر پر اپنے پیغام میں وزیر انسانی حقوق ڈاکٹر شیریں مزاری نےکہا کہ بھارتی شہریت ترمیم بل (سی اے پی) دونوں ایوانوں سے منظور ہوگیا، یہ نسل پرستی کا ثبوت ہے۔
متنازعہ بھارتی شہریت بل (سی اے پی) کو تنقید کا نشانہ بناتے ہوئے وفاقی وزیر برائے انسانی حقوق ڈاکٹر شیریں مزاری نے کہا کہ بھارت اپنے ہی قانون کے تحت نسل پرست ریاست بن چکا ہے۔
Finally India's Modi & Indian Parliament resuscitate the racist ideology of the Nazis. The Indian Citizenship Amendment passes thru both Houses – India is now a racist state according to its own law!
— Shireen Mazari (@ShireenMazari1) December 12, 2019
یاد رہے کہ اس سے قبل وزیر برائے انسانی حقوق ڈاکٹر شیریں ایم مزاری نے کہا کہ کشمیر کے بچوں کو بھارت کی جیلوں میں قید کیا جارہا ہے جبکہ بھارتی مظالم پر دُنیا کو کوئی فکر یا افسوس نہیں۔
ٹوئٹر پر اپنے پیغام میں 10 اکتوبر کو وفاقی وزیر انسانی حقوق شیریں مزاری نے کہا کہ ہم نے 2014ء میں عالمی برادری کو آگاہ کیا تھا کہ بھارتیہ جنتا پارٹی (بی جے پی) بھارتی مسلمانوں اور کشمیریوں کی نسل کشی کو اپنا ایجنڈا بنا چکی ہے۔
مزید پڑھیں: کشمیر کے بچوں کو بھارتی جیلوں میں قید کیا جارہا ہے۔شیریں مزاری
