گوگل نیوز پر ہمیں فالو کریںپاکستان شوبز انڈسٹری کی معروف سابق اداکارہ نور بخاری اور عون چوہدری کے ہاں بیٹے کی پیدائش ہوئی ہے۔
معروف سابق اداکارہ نے اپنی انسٹا گرام اسٹوری پر نومولود کے پیروں کی تصویر شیئر کرتے ہوئے اپنے چاہنے والوں کو بیٹے کی پیدائش کی اطلاع دی۔
View this post on Instagram
نور بخاری نے اپنی پوسٹ میں اللہ کا شکر اداکرتے ہوئے لکھا کہ اللہ نے مجھے بیٹے کی نعمت سے نوازا ہے، میرے بیٹے علی رضا کو اپنی دعاؤں میں یاد رکھیں۔
واضح رہے کہ پاکستان شوبز انڈسٹری کی معروف اداکارہ نے پہلی شادی 2008 میں وکرم نامی کاروباری شخصیت سے کی تھی، لیکن 2 سال بعد ہی ان کی طلاق ہوگئی تھی، بعد ازاں نور بخاری نے 2010 میں فاروق مینگل سے شادی کی تھی جو ایک سال سے بھی کم عرصہ رہی۔
مزید پڑھیں:کیا بھارتی فلم ’دی کیرالہ اسٹوری‘ میں کیا گیا دعویٰ حقیقت پر مبنی ہے؟
نور نے 2012 میں عون چوہدری سے شادی کی تھی اور ان سے ان کی ایک بیٹی بھی ہے لیکن یہ شادی بھی صرف چند ماہ تک ہی رہی 2015 میں نور بخاری نے گلوکار ولی حامد سے چوتھی شادی کی تھی جو کہ 2017 میں ختم ہوگئی تھی۔
