بھارتی فلم انڈسٹری معروف اداکار سنجے دت بھی پاکستان کے سابق کپتان اور سوئنگ کے سلطان وسیم اکرم کے مداح نکلے۔
دبئی میں ایک ایونٹ بھارتی اداکار سنجے دت نے کہا کہ وسیم اکرم کی ریورس سوئنگ سے سب ڈرتے تھے، میں وسیم بھائی کے ساتھ یہاں بلائے جانے کو اپنے لیے اعزاز سمجھتا ہوں۔
“Wasim bhai ki reverse swing se sab darr jatay thay” 🔥🔥
Bollywood actor Sanjay Dutt praising Wasim Akram in an event in Dubai 🇮🇳🇵🇰❤️pic.twitter.com/CUiRWcHRVm
— Farid Khan (@_FaridKhan) January 31, 2024
سنجے دت کا کہنا تھا کہ میں نے اپنی زندگی میں جو بہترین کرکٹرز دیکھے یہ ان میں سے ایک ہیں اور وہ کرکٹ کے بھگوان ہیں، وہ میرے بھائی ہیں جنہیں میں کئی سال سے جانتا ہوں۔
واضح رہے کہ پاکستان کرکٹ ٹیم کے سابق کپتان وسیم اکرم کی فاسٹ باؤلنگ کا ہر خاص و عام معترف ہے اور وہ آئی سی سی ہال آف فیم میں بھی شامل ہیں۔
ٹیسٹ اور ون ڈے میں دو، دو ہیٹ ٹرک کا اعزاز حاصل کرنے والے وسیم اکرم نے 104 ٹیسٹ میچوں میں پاکستان کی نمائندگی کرتے ہوئے 414 کھلاڑیوں کو پویلین کی راہ دکھائی۔