مغربی میڈیا کورونا وائرس کو سیاسی رنگ دے کر ہمیں نقصان پہنچا رہا ہے۔چین کا شکوہ

بیجنگ: چین نے کہا ہے کہ مغربی میڈیا نے ہماری شہرت کو نقصان پہنچانے کے لیے مذموم ہتھکنڈے استعمال کرتے ہوئے کورونا وائرس کو سیاسی رنگ دیا۔

سماجی رابطے کی ویب سائٹ ٹوئٹر پر اپنے پیغام میں چینی دفترِ خارجہ کے محکمۂ اطلاعات کے ڈپٹی ڈائریکٹر جنرل لیجیان ژاؤ نے کہا کہ مغربی میڈیا کے کچھ نمائندوں نے کورونا وائرس کو غلط انداز سے بیان کیا۔

چینی دفترِ خارجہ کے محکمۂ اطلاعات کے مطابق مغربی میڈیا چین کو کورونا وائرس کے لیے موردِ الزام ٹھہرانا چاہتا ہے تاکہ اس کی شہرت کو نقصان پہنچا کر اس کے نیک نامی کو کم کیا جاسکے۔

دفترِ خارجہ کے مطابق کورونا وائرس ایک قدرتی آفت ہے جس کا مذاق اڑانا اور اس پر طنز کرنا لاپرواہی اور غیر ذمہ داری ہے جس کی مذمت تمام معقول افراد اپنا فرض سمجھتے ہیں۔ 

Expert: Some Western media exploited and politicized COVID-2019 to blame, defame & diminish China. Making a mockery of this natural calamity is indeed thoroughly hapless & irresponsible, & should be condemned by all decent people. @ScholarYK https://t.co/cWP4lWHym2

— Lijian Zhao 赵立坚 (@zlj517) February 13, 2020

یاد رہے کہ اس سے قبل وزیر اعظم کے معاونِ خصوصی برائے امورِ صحت ڈاکٹر ظفر مرزا نے تصدیق کی کہ چین میں کورونا وائرس سے  متاثرہ چاروں پاکستانی  طلباء صحت یاب ہو گئے ہیں۔

ٹوئٹر پر گزشتہ روز اپنے پیغام میں معاونِ خصوصی برائے صحت ڈاکٹر ظفر مرزا نے کہا کہ یہ بات بتاتے ہوئے خوشی محسوس ہو رہی ہے کہ وائرس سے متاثرہ چاروں پاکستانی طلباء اب صحتیاب ہیں۔

مزید پڑھیں:  چاروں پاکستانی طلباء صحتیاب ہو گئے۔ڈاکٹر ظفر مرزا کی تصدیق