درجنوں بچوں کے قاتل پرمبنی یاسر حسین کی فلم جاوید اقبال کا ٹریلر ریلیز

پاکستانی شوبز انڈسٹری کے معروف اداکار یاسر حسین کی نئی فلم جاوید اقبال کا ٹریلر ریلیز کردیا گیا ہے جس کی کہانی درجنوں بچوں کے قاتل جاوید اقبال کے گرد گھومتی ہے۔

فوٹو شیئرنگ پلیٹ فارم انسٹاگرام پر اپنے پیغام میں یاسر حسین نے کہا کہ اگر جاوید اقبال کا ٹریلر دیکھ کر آپ کے جسم میں تجسس کی لہریں نہیں اٹھ رہیں تو یہ آپ کا مسئلہ ہے۔ بس ٹریلر دو بار دیکھیں۔

View this post on Instagram

 

A post shared by Yasir Hussain (@yasir.hussain131)

انسٹاگرام پیغام میں اداکار یاسر حسین نے کہا کہ ٹریلر دو بار دیکھئے اور میری آپ سے ملاقات سینما میں ہوگی۔ انہوں نے مداحوں کو فلم دیکھنے کی دعوت دیتے ہوئے کہا کہ جاوید اقبال کا ٹریلرآپ کیلئے ہے۔

یہ بھی پڑھیں:

فریال محمود کی بولڈ تصاویر وائرل، سوشل میڈیا صارفین کی پھر تنقید

عینی کا راز فاش، ڈرامہ سیریل پری زاد کی نئی قسط کو لاکھوں افراد نے دیکھ لیا

اگر ٹریلر دیکھا جائے تو یاسر حسین سیریل کلر جاوید اقبال کے روپ میں نظر آتے ہیں جو 1998 کے سیریل کلر جاوید اقبال کی کہانی سناتا ہے جس نے لاہور میں 100 سے زائد بچوں کو قتل کردیا تھا۔

ٹریلر میں دکھایا گیا ہے کہ جاوید اقبال کو ہتھکڑیاں لگی ہوئی ہیں اور وہ کمرۂ عدالت کی طرف بڑھ رہا ہے۔ 1998 میں جاوید اقبال نامی شخص نے 100 سے زائد بچوں سے زیادتی کی اور انہیں بے رحمی سے قتل کیا۔

یہی نہیں بلکہ جاوید اقبال نے اپنے قتل کے ثبوت حکامِ بالا اور میڈیا کو روانہ کردئیے جس کے نتیجے میں ملک بھر میں خوف و ہراس پھیل گیا تھا۔ یاسر حسین کی فلم جاوید اقبال 24دسمبر کو ریلیز ہوگی۔