شاہ محمود قریشی سعودی عرب کے بعد عمان پہنچ گئے، سلطان کے انتقال پر تعزیت کریں گے

مسقط: وزیرخارجہ شاہ محمود قریشی دورۂ سعودی عرب مکمل کرنے کے بعد آج برادر اسلامی ملک عمان پہنچ گئے جہاں وہ سلطان قابوس کے انتقال پر تعزیت کا اظہار کریں گے۔

سعودی عرب کا ایک روزہ دورہ مکمل کرنے کے بعد وزیر خارجہ آج عمان کے شاہی خاندان کے اکابرین سے ملاقاتیں کریں گے جن کے دوران سلطان قابوس کے انتقال پر افسوس کا اظہار کریں گے۔

عمان کے دارالحکومت مسقط پہنچنے پر وزیر خارجہ کا استقبال کیا گیا۔ عمانی دفترِ خارجہ کے ساتھ ساتھ پاکستانی سفارت کار بھی شاہ محمود قریشی کے استقبال کے لیے ائیرپورٹ پہنچے۔

[yotuwp type=”videos” id=”vTqAKwQ0HVk” pagination=”off” column=”1″ per_page=”1″]

یاد رہے کہ اس سے قبل  وزیر خارجہ شاہ محمود قریشی نے ایران کے سرکاری دورے کے دوران ایرانی صدر حسن روحانی سے ملاقات کی جس میں امریکا ایران کشیدگی سمیت مشرقِ وسطیٰ کی صورتحال پر گفتگو ہوئی۔

حالیہ ایران امریکا کشیدگی کے پیش نظر وزیر اعظم عمران خان کی ہدایت پر ہمسایہ ملک ایران کا دورہ کرنے والے وزیر خارجہ  نے ایرانی صدر حسن روحانی سے ملاقات کے دوران اہم بین الاقوامی امور پر بات چیت کی۔

مزید پڑھیں: وزیر خارجہ کی ایرانی صدر سے ملاقات