اسلام آباد: پاکستان مسلم لیگ (ن) نے وزیرِ اعظم عمران خان کے خلاف تحریکِ عدم اعتماد لانے کیلئےتحریکِ انصاف کے وفاقی وزیر سے رابطوں کی خبر کی تردید کی ہے۔
سماجی رابطے کی ویب سائٹ ٹوئٹر پر نجی ٹی وی چینل کی خبر پر ردِ عمل دیتے ہوئے مسلم لیگ (ن) کے سینئر رہنما و رکنِ قومی اسمبلی خواجہ محمد آصف نے کہا کہ مجھ سے کسی نے رابطہ نہیں کیا۔
خبر چلانے والے سینئر صحافی انصار عباسی کو مخاطب کرتے ہوئے ن لیگ کے سینئر مرکزی رہنما خواجہ آصف نے کہا کہ آپ محترم و مستند صحافی ہیں۔ صحافتی آداب کو ملحوظِ خاطر رکھنا ضروری تھا۔
ن لیگ کے مرکزی رہنما خواجہ آصف نے انصار عباسی سے کہا کہ اگر آپ مجھ سے تصدیق کرلیتے تو مجھے تردید کی گستاخی نہ کرنی پڑتی۔
میرے سےتو کسی نےرابطہ نہیں کیا،انصار عباسی صاحب ماشاءاللہ محترم اور مستند صحافی ھیں، صحافتی آداب کو ملحوظ خاطر رکھتے ھوئے اگر مجھ سے تصدیق کر لیتے تو مجھے تردید کی گستاخی نہ کرنی پڑتی۔ والسلام https://t.co/xXyn9ZJ60q
— Khawaja M. Asif (@KhawajaMAsif) July 7, 2020
یہ بھی پڑھیں: خواجہ آصف اور فواد چوہدری کے درمیان سخت جملوں کا تبادلہ