گوگل نیوز پر ہمیں فالو کریںاسلام آباد: وزیرِ اعظم کی معاونِ خصوصی برائے اطلاعات و نشریات ڈاکٹر فردوس عاشق اعوان نے کہا ہے کہ وزیرِ اعظم عمران خان پاکستان میں تعلیم کو فروغ دینا چاہتے ہیں۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی فردوس عاشق اعوان نے کہا کہ آج صبح 8 بجے سے پی ٹی وی نے ٹیلی اسکول نشریات کا باقاعدہ آغاز کردیا ہے۔
پیغام میں معاونِ خصوصی فردوس عاشق اعوان نے کہا کہ وزارتِ تعلیم و اطلاعات کے اشتراک سے شروع کیا گیا یہ منصوبہ عمران خان کے ملک میں تعلیم کے فروغ کے ویژن کا مظہر ہے۔
معاونِ خصوصی اطلاعات فردوس عاشق اعوان نے کہا کہ کورونا وائرس کے باعث بچوں کا تعلیمی عمل معطل ہے۔ اس چینل کے ذریعے گھر بیٹھے بچے اور دیگر طلباء تدریسی عمل سے استفادہ کریں گے۔
کرونا وباء کے باعث بچوں کا تعلیمی عمل معطل ہے۔اس چینل کے ذریعے گھر بیٹھے بچے اور دیگر طالب علم تدریسی عمل سے استفادہ کریں گے۔2/2#COVID2019 #PMIK #StayAtHomeSaveLives #Teleschool
— Dr. Firdous Ashiq Awan (@Dr_FirdousAwan) April 14, 2020
ڈاکٹر فردوس عاشق اعوان نے کہا کہ ٹیلی اسکول کی نشریات سٹیلائٹ اور انٹینا دونوں کے ذریعے دیکھی جاسکیں گی۔ دُور افتادہ علاقوں کے طلباء اس تدریس و تربیت کے عمل سے فائدہ اٹھا سکیں گے۔
ٹیلی اسکول کی نشریات سیٹلائٹ اور اینٹیا دونوں کے ذریعے دیکھی جا سکے گی۔ دور افتادہ علاقوں کے بچے اور طالب علم اس تدریس و تربیت کے عمل سے فائدہ اٹھا سکیں گے۔#COVID2019 #StaySafeStayHome #PMIK #Teleschool
— Dr. Firdous Ashiq Awan (@Dr_FirdousAwan) April 14, 2020
فردوس عاشق اعوان نے کہا کہ نشریات کا دورانیہ صبح 8 سے شام 6 بجے تک ہوگا۔ اول سے 12ویں جماعت تک کے طلباء اس سے مستفید ہوں گے۔ ٹیلی اسکول سے وہ بچے بھی فائدہ اٹھا سکتے ہیں جو اسکول نہیں جاپاتے۔
انہوں نے کہا کہ گھر بیٹھے عوام کو تعلیم کے زیور سے آراستہ کرنے کا یہ منصوبہ ملک بھر میں خواندگی کے فروغ میں بھی اہم ثابت ہوگا۔
نشریات کا دورانیہ صبح8سے شام6بجے تک ہوگا۔ اول سے بارہویں جماعت تک کے طلباءاس سے مستفید ہوں گے۔ٹیلی اسکول سے وہ بچے بھی فائدہ اٹھائیں گے جو کسی وجہ سے اسکول نہیں جا پاتے۔گھر بیٹھے افراد کو تعلیم کے زیور سے آراستہ کرنے کایہ منصوبہ ملک بھرمیں خواندگی کے فروغ میں بھی اہم ثابت ہوگا۔
— Dr. Firdous Ashiq Awan (@Dr_FirdousAwan) April 14, 2020
