گوگل نیوز پر ہمیں فالو کریںعوام الناس کے ساتھ ساتھ شوبز ستاروں نے بھی چاند رات اور عید الفطر کے موقعے پر رنگا رنگ اور زرق برق لباس پہن لیے جس کی تصاویر سوشل میڈیا پر وائرل ہوگئی ہیں۔
فوٹو شیئرنگ پلیٹ فارم انسٹا گرام پر ڈرامہ سیریل چیخ سمیت متعدد سیریلز اور فلموں میں اداکاری کے جوہر دکھانے والی صبا قمر نے اپنی نئی تصویر مداحوں کے ساتھ شیئر کرتے ہوئے کہا کہ رواں برس عید سادگی سے منائی جائے گی۔
عید کے خوبصورت لباس میں ملبوس صبا قمر نے اپنے تمام مداحوں کو مخاطب کرتے ہوئے کہا کہ میں آپ سب کو عید کی مبارکباد دیتی ہوں اور جب عید کے موقعے پر آپ دعا کیلئے ہاتھ اٹھائیں تو فلسطینی مسلمان بھائیوں اور بہنوں کو نہ بھولیں۔
View this post on Instagram
انسٹا گرام پر اپنی ایک مختصر ویڈیو شیئر کرتے ہوئے انا اور تتلی سمیت متعدد ڈراموں میں اداکاری کرکے داد وصول کرنے والی فنکارہ ہانیہ عامر نے بھی عید کیلئے اپنے لباس اور تیاریوں سے پردہ ہٹا دیا۔
View this post on Instagram
میرے پاس تم ہو اور چپکے چپکے سمیت متعدد ڈرامہ سیریلز میں اداکاری کے جوہر دکھانے والی عائزہ خان نے عید کے روز مہندی لگا کر مہندی کے رنگ کا ہی لباس زیبِ تن کر لیا جس پر مداحوں نے انہیں خوب داد دی۔
View this post on Instagram
بالی ووڈ اداکارہ کرینہ کپور، پاکستانی فنکارہ صنم جنگ اور دیگر کی پیروڈی کرکے مداحوں کو حیرت میں مبتلا کردینے والی اداکارہ حرا مانی نے بھی عید کی نئی فوٹو شیئر کرتے ہوئے کہا کہ اچانک عید کی تیاری ایسی ہی ہوسکتی تھی، لیکن میں اتنی بری بھی نہیں لگ رہی۔
View this post on Instagram
معروف اداکارہ مایا علی نے فوٹو شیئرنگ پلیٹ فارم انسٹا گرام پر ایک مختصر ویڈیو شیئر کرتے ہوئے عید کے 3 دنوں کیلئے اپنے الگ الگ رنگوں کے لباس مداحوں کے ساتھ شیئر کیے جس پر انہیں خوب سراہا گیا۔
View this post on Instagram
غیرت اور مول سمیت متعدد ڈراموں میں مداحوں سے اداکاری کے عوض داد وصول کرنے والی فنکارہ اقراء عزیز نے بھی فوٹو شیئرنگ پلیٹ فارم انسٹا گرام پر اپنی ایک تصویر شیئر کی جو چاند رات کے موقعے پر کھینچی گئی تھی۔
میرا گھر ایک ورل پول سے اداکاری کے میدان میں قدم رکھنے والی مارننگ شو کی ٹی وی میزبان ندا یاسر نے بھی مداحوں کو مبارکباد دیتے ہوئے اپنی نئی تصویر شیئر کی۔
