کراچی:پی ٹی آئی مرکزی رہنما حلیم عادل شیخ کے حلقے پی ایس 99 کے علاقے ایوب گوٹھ میں شمولیت تقریرکا انعقاد کیا گیا پروگرام میں مختلف جماعتوں سے تعلق رکھنے والی مختلف برادری کے سینکڑوں لوگوں نے پی ٹی آئی میں شمولیت کا اعلان کیا۔
پی ٹی آئی مرکزی رہنما حلیم عادل شیخ، رکن سندھ اسمبلی ڈاکٹر سعید آفریدی، اعجاز خان سواتی، جانشیر جونیجو، رانا وسیم احمد راجپوت، سمیت دیگر نے شرکت کی۔ پی ٹی آئی میں شمولیت کرنے والے راجپوت برادری کی معززین اقبال، یقوب، یاسین، مشیر، رحمت، امداد علی، رضوان راجا،، سمیت دیگر نے سینکڑوں لوگوں نے تقریب میں پی ٹی آئی میں شمولیت کا اعلان کیا۔
پی ٹی آئی مرکزی رہنما حلیم عادل شیخ شمولیت تقریر سے خطاب کرتے ہوئے کہا آج ایک اور سرکس پشاور میں لگایا گیا ہے، گلگت الیکشن جیتنے گئے تھے لیکن ہار کر واپس آگئے۔ سندھ سے بھی بلاول لاڑکانہ گئے تھے کہا کہ جیت کر گلگت کو لاڑکانہ بنائیں گے۔ عوام نے ووٹ نہیں دیا لاڑکانہ سے گلگت بہتر ہے عوام نے فارغ کر دیا۔
آج پشاور کو کرونا لگا رہے ہیں، پی ڈی ایم کرونا پھیلاؤ موومنٹ بنتی جارہی ہے۔گجرانوالہ میں جو تقریر آرمی چیف کے خلاف شروع کی۔ اچکزئی سے لیکر سب پی ڈی ایم اے والوں نے ملک دشمن بیانیہ پیش کیا۔ جس کے بیانیہ کو عوام نے اٹھا کر پھینک دیا ہے۔ پی ڈی ایم کی شکست خوردہ ٹیم اتنا بڑا جلسہ نہیں کر سکتی جتنا اکیلا میرا کپتان کر سکتا ہے۔
آج ثابت ہوچکا ہے پوری قوم ان نوسربازوں کو دھدکار چکی ہے جنہوں نے ملک کو لوٹا۔کسی نے جعلی اکاؤنٹ کے ذریعے کسی نے ٹی ٹی اور کیش پرائز کے ذریعے پیسہ باہر بھیجا۔ آج پوری قوم جان چکی ہے عمران خان ہی سچے لیڈر ہیں۔
لوگوں کے اثاثے بڑھتے ہیں لیکن ہمارے کپتان کے اثاثے کم ہورے ہیں وزیر اعظم بننے کے بعد دو کروڑ کے اثاثے کم ہوگئے ہیں۔ ان چوروں کے اثاثے اربوں میں بڑھتے جارہی ہیں۔
ہمیں پی ٹی آئی کے کارکنوں پر فکر ہے جو اپنے علاقوں میں حق کی آواز بلند کی پی ایس 99 کی عوام کو سلام پیش کرتا ہوں جہنوں نے ایم این اے اور ایم پی اے کو جتوایا۔پی ایس 99 میں پرانی آبادی ہے لیکن پ پ کی حکومت نے کبھی کام نہیں کیا۔
واٹر بورڈ سے لیکر روڈ رستے سندھ حکومت کے پاس ہیں، اس کے باوجود وفاقی فنڈ سے علاقے میں کام کیا جارہا ہے،آج اگر سندھ تباہ ہوا ہے تو ان کے ذمہ دار بلاول زرداری ہیں، سڑکوں کے پیسوں سے لیکر کتوں کی ویکسین کے پیسے بھی کھاگئے،صحت اور تعلیم صاف پانی بھی بلاول کی حکومت نے عوام سے چھین لیا ہے۔
گوگل نیوز پر ہمیں فالو کریں
