گوگل نیوز پر ہمیں فالو کریںپاکستانی اسکواش کھلاڑی ماہ نور علی نے ملائیشیا میں جاری میلو آل اسٹار جونیئر اسکواش چیمپئن شپ کے فائنل میں جگہ بنا لی۔
پاکستان اسکواش فیڈریشن کے مطابق ماہ نور علی نے سیمی فائنل میں تیسری یا چوتھی سیڈ کی کھلاڑی کو صفر کے مقابلے میں تین گیمز سے شکست دے کر فائنل کے لیے کوالیفائی کیا۔
ملائیشیا کے دارالحکومت کوالالمپور میں جاری چیمپئن شپ کے فیصلہ کن مقابلے میں پاکستانی کھلاڑی کا سامنا ہانگ کانگ کی ہاؤ چنگ چیو سے ہوگا۔ فائنل میں کامیابی کی صورت میں ماہ نور علی ٹورنامنٹ کا ٹائٹل اپنے نام کر لیں گی۔
ماہ نور علی نے کوارٹر فائنل میں بھی بہترین کھیل پیش کرتے ہوئے بھارت کی پانچویں سیڈ دیویانشی جین کو شکست دی تھی اور سیمی فائنل میں رسائی حاصل کی تھی۔
پاکستان اسکواش فیڈریشن نے فائنل کے لیے ماہ نور علی کے لیے نیک تمناؤں کا اظہار کرتے ہوئے امید ظاہر کی ہے کہ وہ فیصلہ کن مقابلے میں بھی عمدہ کارکردگی کا مظاہرہ کریں گی۔
پشاور سے تعلق رکھنے والی ماہ نور علی کی فائنل تک رسائی پاکستان کے جونیئر اسکواش کے لیے ایک حوصلہ افزا پیش رفت ہے۔ اب شائقین کو فائنل میں ان کی کارکردگی اور ٹائٹل جیتنے کی امید ہے۔
