گوگل نیوز پر ہمیں فالو کریںپاکستان تحریک انصاف کے بانی چیئرمین عمران خان کی بہنوں سے متعلق بڑی خبر سامنے آئی ہے جہاں نورین نیازی اور عظمیٰ خان کو کوٹ لکھپت جیل سے رہا کر دیا گیا ہے۔
اطلاعات کے مطابق دونوں رہنماؤں کو ایم پی او قانون کے تحت حفاظتی نقطہ نظر سے گرفتار کر کے کوٹ لکھپت جیل میں نظر بند رکھا گیا تھا اور لگ بھگ 50 دن کی طویل اسیری کے بعد اب جا کر ان کی رہائی عمل میں آئی ہے۔
ذرائع نے یہ انکشاف بھی کیا ہے کہ اس پوری رہائی میں چیئرمین پی ٹی آئی بیرسٹر گوہر علی خان نے پسِ پردہ اہم اور کلیدی کردار ادا کیا۔
رہائی کے بعد جیل حکام نے قانونی کارروائی مکمل کرتے ہوئے نورین نیازی اور عظمیٰ خان کو ان کے اہلِ خانہ یعنی نورین نیازی کی صاحبزادی ہاجرہ نیازی کے حوالے کر دیا۔
دوسری جانب پی ٹی آئی کے بانی کی ایک اور ہمشیرہ علیمہ خان تاحال کوٹ لکھپت جیل میں ہی قید اور نظر بند ہیں۔ یاد رہے کہ ان تمام شخصیات کو احتجاجی مظاہروں کے خدشات کے پیش نظر انتظامیہ نے ایم پی او کے تحت حراست میں لیا تھا۔
