پاکستان اسٹاک مارکیٹ، 100انڈیکس 47686.99 پوائنٹس کی سطح پر پہنچ گیا

کراچی: پاکستان سٹاک مارکیٹ میں اُتار چڑھاؤ کے بعد 14.31 پوائنٹس کی تیزی ریکارڈ کی گئی جس کے بعد انڈیکس 47686.99 پوائنٹس کی سطح پر پہنچ کر بند ہوا۔

آج پورے کاروباری روز (منگل)کے دوران کاروبار میں محض 0.03 فیصد کی بہتری دیکھی گئی اور 16 کروڑ 22 لاکھ 90 ہزار 26 شیئرز کا لین دین ہوا۔جبکہ اسٹاک مارکیٹ میں اُتار چڑھاؤ کے بعد محدود پیمانے پر تیزی دیکھی گئی۔

دوسری جانب اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے دوسرے کاروباری روز کے دوران انٹر بینک میں روپے کے مقابلے میں امریکی ڈالر 10 پیسے مہنگا ہو گیا۔

مزید پڑھیں: اسٹیٹ بینک نے آئندہ دو ماہ کی مانیٹری پالیسی کا اعلان کردیا، شرح سود7فیصد برقرار

جس کے بعدامریکی ڈالرکی قیمت 161 روپے 23 پیسے سے بڑھ کر 161 روپے 33 پیسے ہو گئی ہے۔واضح رہے کہ گزشتہ دنوں میں بھی ڈالر کی قیمت میں اضافہ دیکھنے کو ملا تھا۔