اسلام آباد، کورونا ایس او پیز کی خلاف ورزیاں، 660 دکانیں سیل کردی گئیں

اسلام آباد: وفاقی دارالحکومت میں انتظامیہ کی جانب سے کورونا وائرس ایس او پیز کی خلاف ورزیوں پر 660 سے زائد دکانوں اور 30 ریسٹورنٹس کو سیل کردیا گیا ہے۔

ضلعی انتظامیہ نے اسلام آباد میں کورونا وائرس کے بڑھتے ہوئے کیسز کے پیش نظر ایس او پیز کی خلاف ورزی کرنے پر کریک ڈاؤن کرتے ہوئے 24 گھنٹوں میں 30 ریسٹورینٹس کو سیل کیا۔

Increase in covid postivity has resulted in further restrictions. Outdoor dining to be closed at 10 pm. Weekends will be off for any activity. Take aways are allowed 24 hours pic.twitter.com/GtrvdFxvNU

— Office of Deputy Commissioner Islamabad (@dcislamabad) March 19, 2021

اس حوالے سے ڈپٹی کمشنر اسلام آباد محمد حمزہ شفقات نے کہا کہ مجموعی طور پر 660 دکانوں کو ایس او پیز کی خلاف ورزی پر بند کرایا گیا جب کہ ایس او پیز کی خلاف ورزی پر 2 مارکیز کو سیل کیا گیا ہے۔

اُن کا کہنا تھا کہ ہفتہ کو 52 اسکولوں اور 28 مساجد کا بھی معائنہ کیا گیا،جس میں کورونا ایس او پیز کی خلاف ورزی کرنے والوں کو ایک لاکھ سے زائد کا جرمانہ کیا گیاہے۔انہوں نے کہا کہ کورونا وائرس کے بڑھتے ہوئے کیسز کے باعث عوام احتیاطی تدابیر پر سختی سے عمل کریں۔