گوگل نیوز پر ہمیں فالو کریںاسلام آباد :ترجمان دفتر خارجہ ڈاکٹر محمد فیصل نے کہا ہے کہ کشمیر ایک جہد مسلسل کا نام ہے، ہمیں کشمیریوں کی قربانیوں کا ادراک ہے، بھارت بند گلی میں پہنچ گیا، اسے سمجھ نہیں آرہا کیسے نکلے؟،ضرورت پڑی تو کشمیریوں کیساتھ مر بھی جائینگے۔
پاکستان کی کشمیر پالیسی میں رتی برابر تبدیلی آئی ہے اور نہ آئیگی۔
ایک بیان میں ترجمان دفتر خارجہ ڈاکٹر محمد فیصل نے کہا کہ کشمیر ایک جہد مسلسل ہے ایک ایونٹ نہیں کہ کچھ وقت میں ختم ہو جائیگا۔
انہوں نے کہا کہ ہمیں کشمیریوں کی قربانیوں کا ادراک ہے،ہندوستان ایک بند گلی میں پہنچ گیا ہے،اب اسے سمجھ نہیں آ رہا کہ نکلے کیسے؟۔
انہوں نے کہا کہ اب نئے فیصلوں سے بھارت کیلئے مزید پیچیدگیاں پیدا ہو گئی ہیں۔ انہوں نے کہا کہ بابری مسجد اور کشمیر کے فیصلوں کے بعد بھارت میں تمام اقلیتیں غیر محفوظ ہو چکی ہیں۔
مزید پڑھیں :حیدرآباددکن فنڈکیس، برطانوی عدالت نے فیصلہ بھارت کے حق میں سنادیا
