شوبز کی دنیا کی رنگینیاں لوٹ آئیں، ستمبر میں میٹ گالا کے انعقاد کا اعلان

شوبز کی دنیا کا رنگا رنگ پروگرام میٹ گالا کورونا وائرس کے اثرات سے نکل گیا، گزشتہ سال وباء کی وجہ سے منسوخ ہونیوالا میٹ گالا رواں سال ستمبر میں دوبارہ منعقد ہوگا۔

ہر سال یہ تقریب نیویارک کے میٹروپولیٹن میوزیم آف آرٹس کاسٹیوم کے لیے فنڈز جمع کرنے کے لیے منعقد کی جاتی ہے جس میں مشہور شخصیات حیرت انگیز نظر آنے کے لئے طرح طرح کے ملبوسات زیب تن کرکے شریک ہوتی ہیں۔

میٹ گالا کی تقریب امریکا کے فیشن میگزین ووگ کمپنی کی جانب سے منعقد کی جاتی ہے،پہلا ایونٹ 13 ستمبر کو ہو رہا ہے جوکورونا وائرس سےمتعلق رہنما ء اصولوں کے مطابق ہوگا۔

Celebrating the announcement of the Met Gala’s return with the queen of the #MetGala, @rihanna. Photos by @gettyimages pic.twitter.com/71DkXDK3ez

— Fashion Week (@FashionWeek) April 12, 2021

واضح رہے کہ ایسا پہلی بار نہیں ہوا جب میٹ گالا تقریب کو ملتوی کیا گیا ہو، اس سے قبل سال 2002 میں 9/11 حملوں کے باعث بھی یہ ایونٹ منسوخ ہوگیا تھا۔