گوگل نیوز پر ہمیں فالو کریںلندن: انٹرنیشنل کرکٹ کونسل نے چیئرمین پی سی بی رمیز راجہ کی 4 ملکی سیریز کی تجویز کو مسترد کردیا ہے۔
چیئرمین پی سی بی رمیز راجہ کی جانب سے 4 ملکی سیریز کی تجویز کو آئی سی سی بورڈ اراکین سمیت بی سی سی آئی نے متفقہ طور پر مسترد کردیا ہے، آئی سی سی نے 4 ملکی سیریز کو اس لیے مسترد کیا کیونکہ وہ آئی سی سی ایونٹس کی مقبولیت میں کمی نہیں کرنا چاہتے، اس انکار کی ایک وجہ یہ بھی ہے کہ بھارت کی جانب سے واضح تھا کہ وہ اپنے مصروف بین الاقوامی شیڈول کی وجہ سے 4 ملکی سیریز میں نہیں کھیلیں گے۔
واضح رہے کہ پاکستان کرکٹ بورڈ کے چیئرمین رمیز راجہ نے پاکستان، بھارت، انگلینڈ اور آسٹریلیا کی کرکٹ ٹیموں پر مشتمل سیریز کی تجویز دی تھی۔
چیئرمین پی سی بی اس سیریز کے انعقاد کے حوالے سے بہت زیادہ پرجوش اور بھاگ دوڑ کرتے دکھائی رہے تھے جس کی اہم وجہ آمدنی میں اضافہ تھی، اس سیریز کے انعقاد سے تمام کرکٹ بورڈز کو بہت زیادہ منافع ہوتا جبکہ شائقین کرکٹ کو بھی روایتی حریف بھارت کے خلاف سنسنی میچز دیکھنے کو ملتے۔
یہ بھی پڑھیں:چیئرمین پی سی بی کے جانے کے بعد کو نسا بڑا کھلاڑی ٹیم میں واپس آسکتا ہے؟
