کراچی: پاکستان تحریکِ انصاف کے سینئر مرکزی رہنما و وفاقی وزیر برائے بحری امور علی حیدر زیدی نے امید ظاہر کی ہے کہ پیپلز پارٹی میڈیا پر مجرموں کو تحفظ دینے کی پالیسی جاری رکھے گی۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر علی زیدی نے نجی ٹی وی کے میزبان وسیم بادامی کے پیغام پر ردِ عمل دیتے ہوئے کہا کہ امید ہے پیپلز پارٹی کے جو لوگ میڈیا پر جاتے ہیں اور مجرموں کی حمایت کرتے ہیں جن میں آصف زرداری اور ان کے حواری شامل ہیں، دوبارہ میدان میں آئیں گے۔
پیغام میں وزیرِ بحری امور علی زیدی نے کہا کہ جو لوگ سنگین جرائم میں معاونت اور سرپرستی کرتے ہیں، انہیں بھی ہم قانون کے کٹہرے میں لائیں گے جس کیلئے اللہ تعالیٰ ہماری رہنمائی فرمائے گا۔ انہوں نے یہ بات وسیم بادامی کے ایک پیغام کے جواب میں کہی۔
نجی ٹی وی کے اینکر پرسن وسیم بادامی نے کہا کہ ہمارے پروگرام کے دوران پاکستان پیپلز پارٹی کے رہنما نبیل گبول نے کہا کہ ان کی رائے میں بھی لیاری گینگ وار کے سرغنہ عزیر بلوچ کی جے آئی ٹی میں تبدیلیاں کی گئی ہیں۔
I hope those still going on the media and protecting criminals like Asif Zardari & his cronies will wake up! Aiders & abettors in such heinous crimes will Inshallah also be charged to the full extent of the law. May Allah guide us all. https://t.co/tK49SASHsW
— Ali Haider Zaidi (@AliHZaidiPTI) July 6, 2020
قبل ازیں ٹوئٹر پر وفاقی وزیر علی زیدی نے پیپلز پارٹی کے بانی ذوالفقار علی بھٹو کی تصویر شیئر کرتے ہوئے کہا کہ خودساختہ جمہوریت پسند رہنما کو دیکھئے کہ وہ کیسے آرمی جنرلز کی کابینہ میں بیٹھے ہیں اور پیپلز پارٹی ہمیں جمہوریت کا درس دیتی ہے۔
The self proclaimed democrat in a Generals cabinet! And they give us lessons in democracy? pic.twitter.com/0RBytMYnGF
— Ali Haider Zaidi (@AliHZaidiPTI) July 6, 2020
یاد رہے کہ اس سے قبل وفاقی وزیر برائے بحری امور علی حیدر زیدی نے کہا کہ مسلم لیگ (ن) کے ساتھ جو تاریخ وابستہ ہے، وہی عنقریب پاکستان پیپلز پارٹی (پی پی پی) کے ساتھ بھی دُہرائیں گے، آپ اگر روک سکتے ہیں تو روک لیجئے۔
ٹوئٹر پر 3 روز قبل اپنے پیغام میں وزیرِ بحری امور علی زیدی نے کہا کہ کیا آپ لوگوں کو یاد ہے کہ مسلم لیگ (ن) اپنے اثاثوں کے بارے میں کیا کہا کرتی تھی؟ میں بتاتا ہوں۔ وہ کہتے تھے کہ ہمارے کوئی اپارٹمنٹس نہیں ہیں۔ ہم کسی جائیداد کے مالک نہیں۔
مزید پڑھیں: تاریخ پی پی پی کے ساتھ دُہرائیں گے، روک سکو تو روک لو۔علی زیدی