گوگل نیوز پر ہمیں فالو کریںلاہور: پاکستان تحریکِ انصاف کے سینئر مرکزی رہنما و سابق وفاقی وزیر فواد چوہدری نے کہا ہے کہ عمران خان کے گھر داخل ہونے اور تشدد کرنے والوں کے نام اور تصویریں ہمارے پاس ہیں۔
سماجی رابطے کی ویب سائٹ ٹوئٹر پر اپنے پیغام میں سابق وزیرِ اطلاعات و نشریات فواد چوہدری نے یو ٹیوب چینل کے سوال کا جواب دیتے ہوئے کہا کہ اس پولیس والے کا نام کانسٹیبل منیر بھٹی ہے۔
عمران خان کی پیشی، پی ٹی آئی کارکنان پر سنگین الزامات
ٹوئٹر پیغام میں فواد چوہدری نے کہا کہ وہ تمام لوگ جنہوں نے عمران خان کے گھر کی دیواریں عبور کیں، اندر داخل ہوئے اور تشدد کیا، ایک ایک کا نام اور تصاویر ہمارے پاس ہیں۔ انصاف ہوگا ان شاء اللہ۔
اس نام کانسٹیبل منیر بھٹی، وہ تمام لوگ جنہوں نے گھر کی دیواریں عبور کی، اندر داخل ہوئے اور تشدد کیا ایک ایک کا نام بنعہ تصویریں ہمارے پاس ہے۔۔ آنصاف ہو گا انشاللہ https://t.co/QOJGVfS3Qm
— Ch Fawad Hussain (@fawadchaudhry) March 19, 2023
خیال رہے کہ اس سے قبل چیئرمین پی ٹی آئی و سابق وزیر اعظم عمران خان کی پیشی پر جوڈیشل کمپلیکس میں ہنگامہ آرائی ہوئی۔ پولیس نے تحریکِ انصاف کے کارکنان پر سنگین الزامات عائد کردئیے۔
اسلام آباد پولیس گزشتہ روز توشہ خانہ کیس میں مبینہ پلان کے تحت عمران خان کی گرفتاری میں ناکام رہی۔ حراست میں لیے جانے سے قبل ہی پی ٹی آئی کارکنان اور پولیس آمنے سامنے آگئے۔
پولیس نے شیلنگ اور لاٹھی چارج کیا تاہم پی ٹی آئی کارکنان چیئرمین کو گرفتاری سے بچانے کیلئے ڈٹ گئے۔ کارکنان نے بھی پتھراؤ کیا۔ احاطۂ عدالت میں شیلنگ کے باعث عدالتی کارروائی بھی متاثر ہوئی۔
