گوگل نیوز پر ہمیں فالو کریںلاس اینجلس : کورونا لاک ڈاؤن کی وجہ سے بوریت کا شکار صارفین کیلئے فیس بک نے آج نئی گیمنگ موبائل ایپ متعارف کرانے کا منصوبہ بنایا ہے ۔
یہ ایپ جون میں ریلیز ہونے والی تھی لیکن فیس بک نے اپنے منصوبوں کو تیز کردیا کیونکہ دنیا بھر میں کورونا وائرس کے باعث لاک ڈاؤن کی وجہ سے صارفین گھروں میں بیٹھے بور ہورہے ہیں۔
فیس بک ایپ کے سربراہ فدجی سیمو کا اس حوالے سے کہناکہ گیمنگ میں سرمایہ کاری کرنا ہمارے لئے ترجیح بن گیا ہے کیونکہ ہم گیمنگ کو تفریح کی ایک شکل کے طور پر دیکھتے ہیں جو لوگوں کو واقعتاً ایک دوسرے سے جوڑتا ہے۔
انہوں نے کہا کہ یہ ایسی تفریح ہے جو صرف غیر فعال استعمال کی ایک شکل نہیں ہے بلکہ لوگوں کو آپس میں ملاتی ہے۔
نئی ایپ میں آرام دہ اور پرسکون کھیل اور گیمنگ کمیونٹیز تک رسائی شامل ہے، گو لائیو نامی ایک فنکشن کے ذریعے صارفین کو صرف چند بٹنوں کو دبانے سے دوسرے موبائل گیمز کی اسٹریمز کو اسی ڈیوائس پر اپ لوڈ کیا جاسکتا ہے۔
کمپنی نے پچھلے 18 ماہ کے دوران جنوب مشرقی ایشیاء اور لاطینی امریکا میں فیس بک گیمنگ ایپ کا تجربہ کیا۔ اسے گوگل پلے اسٹور پر اینڈروئیڈ ڈیوائسز پر جاری کیا جائے گا۔
مزید پڑھیں: آسٹریلیا کا گوگل اور فیس بک سے خبروں کے مواد کی قیمت لینے کا فیصلہ
