کورونا وباء کی صورتحال میں ہمیں اندازہ ہوا کہ خاندان کتنا اہم ہے، شینیرا اکرم

کراچی: سماجی کارکن اور سابق کرکٹر وسیم اکرم کی اہلیہ، شینیرا اکرم نے اپنے شوہر کی تعریف کی جو 55سال کی عمر میں بہت ہی منفرد انداز میں تبدیل ہوچکے ہیں۔

شینیرا نے سوشل میڈیا ویب سائٹ ٹویٹر پر اس بات کا اظہار کرتے ہوئے کہا کہ وہ وسیم اکرم کو اپنی زندگی میں ملنے پر کتنی شکر گزار ہیں۔

Happy birthday to the love of my life!
A man that proves that Age really just is a number! 😘 @wasimakramlive #HappyBirthdayWasimAkram pic.twitter.com/PbM0jj2EjT

— Shaniera Akram (@iamShaniera) June 3, 2021

انہوں نے وسیم اکرم کے ساتھ گزارے ہوئے ایک خوبصورت لمحے کی تصویر شیئر کرتے ہوئے لکھا کہ ”میری زندگی کی محبت کو سالگرہ مبارک ہو۔ ایک آدمی جس نے یہ ثابت کیا کہ عمر واقعی صرف ایک تعداد ہے۔

On your 55th birthday one son is in America, second in Pakistan, your wife and daughter in Australia and you just got out of a 10 day lock quarantine isolated by yourself in Abu Dhabi.Covid times make us appreciate how important family is & how strong we all are fighting together

— Shaniera Akram (@iamShaniera) June 3, 2021

شینیرا اکرم نے ٹویٹر پر اپنے شوہر کو سالگرہ کی مبارکبا د پیش کی اور اس بات کا اظہار کیا کہ وہ اس موقع پر اپنے شوہر سے 11,683کلومیٹر دور ہونے پر دکھی ہیں۔

انہوں نے لکھا، ”آپ کی 55 ویں سالگرہ کے موقع پر ایک بیٹا امریکہ میں ہے، دوسرا پاکستان میں ہے، آپ کی اہلیہ اور بیٹی آسٹریلیا میں ہیں اور آپ ابھی ابوظہبی میں خود قرنطینہ میں ہیں، انہوں نے کہا کہ ایسے موقع پر ہم کہنے پر حق بجانب ہیں کہ خاندان کتنا اہم ہے، ہم سب اس بیماری سے مل کر لڑ رہے ہیں۔

واضح رہے کہ سابق پاکستانی فاسٹ بولر وسیم اکرم نے حال ہی میں اپنی 55 ویں سالگرہ منائی۔ اس خوشی کے موقع پر متعدد ماضی اور حال کے کرکٹرز نے ”سوئنگ کے سلطان“ کو مبارکباد پیش کی۔