اسلام آباد: وفاقی وزیر برائے منصوبہ بندی و ترقی اسد عمر نے کہا ہے کہ خود کو مہلک کورونا وائرس سے محفوظ سمجھنے والے خوش فہم لوگوں کو برطانیہ سے سبق سیکھنا چاہئے۔
سماجی رابطے کی ویب سائٹ ٹوئٹر پر اپنے پیغام میں وزیرِ منصوبہ بندی و ترقی اسد عمر نے کہا کہ جو لوگ یہ سمجھتے ہیں کہ وہ کورونا وائرس کے مہلک اثرات سے محفوظ ہیں، انہیں برطانوی وزیرِ اعظم بورس جانسن سے سبق سیکھنا چاہئے۔
پیغام میں وزیرِ منصوبہ بندی اسد عمر نے کہا کہ برطانیہ میں بہترین طبی سہولیات موجود ہیں جس کے باوجود برطانوی وزیرِ اعظم کی حالت کورونا وائرس کے باعث اتنی خراب ہوئی کہ انہیں آئی سی یو (ایمرجنسی) میں منتقل کرنا پڑا۔
وزیرِ منصوبہ بندی اسد عمر نے کورونا وائرس کو کمزور سمجھنے والے افراد کو مخاطب کرتے ہوئے کہا کہ میرا بھروسہ کیجئے۔ آپ کورونا وائرس کے مقابلے میں بہت زیادہ طاقتور نہیں ہیں۔ وائرس کے اثرات انتہائی شدید بلکہ بے حد شدید ہوسکتے ہیں۔
Those who think they are immune from serious effects of covid 19, please learn from boris Johnson. If the PM of the country with one of the best health systems in the world can end up in ICU, trust me you are not too powerful for it. The effects can be serious. Very very serious
— Asad Umar (@Asad_Umar) April 7, 2020
یاد رہے کہ اس سے قبل آزاد کشمیر کے صدر سردار مسعود خان نے کہا کہ پاکستان کو کورونا وائرس کے خلاف جنگ کے لیے تیار ہونا ہوگا۔
ٹوئٹر پر اپنے پیغام میں صدرِ آزاد کشمیر سردار مسعود خان نے کہا کہ اب تک کورونا وائرس نے 75 ہزار افراد کو ہلاک کردیا جبکہ دُنیا بھر کے 14 لاکھ افراد وائرس سے متاثر ہوئے ہیں۔
مزید پڑھیں: کورونا وائرس کے خلاف جنگ کیلئے تیار ہونا ہوگا۔صدرِ آزاد کشمیر