گوگل نیوز پر ہمیں فالو کریںاوٹاوا: کینیڈین وزیرِ اعظم جسٹن ٹروڈو نے ایک ہی مسلم خاندان کے 4 افراد کے اندوہناک قتل کی شدید مذمت کرتے ہوئے کہا ہے کہ اسلاموفوبیا کے خلاف جنگ کیلئے ہر ہتھیار استعمال کریں گے۔
سماجی رابطے کی ویب سائٹ ٹوئٹر پر اپنے پیغام میں کینیڈین وزیرِ اعظم جسٹن ٹروڈو نے کہا کہ میں اونٹاریو کے شہر لندن سے آنے والی خبر سن کر غمزدہ ہوں اور میرا پیغام گزشتہ روز نفرت کا نشانہ بننے والے افراد کے لواحقین کے نام ہے کہ ہم آپ کے ساتھ کھڑے ہیں۔
پیغام میں وزیرِ اعظم جسٹن ٹروڈو نے کہا کہ ہسپتال میں زیرِ علاج بچے کیلئے اور آپ کیلئے ہمارا دل اور ذہن بے چین ہے۔ انہوں نے بچے کی جلد صحتیابی کیلئے نیک تمناؤں کا اظہار بھی کیا اور لندن سمیت ملک بھر کے مسلمانوں کا ساتھ دینے کا عزم ظاہر کیا۔
اسلام دشمنی کی مذمت کرتے ہوئے وزیرِ اعظم جسٹن ٹروڈو نے کہا کہ ہمارے معاشرے میں اسلاموفوبیا کی کوئی گنجائش نہیں ہے۔ یہ نفرت مکارانہ اور قابلِ مذمت ہے جسے ہر صورت میں روکنا ہوگا۔
To the Muslim community in London and to Muslims across the country, know that we stand with you. Islamophobia has no place in any of our communities. This hate is insidious and despicable – and it must stop.
— Justin Trudeau (@JustinTrudeau) June 7, 2021
واقعے پر حکومتی کارروائی کے متعلق گفتگو کرتے ہوئے وزیرِ اعظم جسٹن ٹروڈو نے کہا کہ میں نے لندن کے میئرایڈہولڈر اورآفس پارٹنر نواز طاہر سے ٹیلیفون پر بات چیت کی۔ میں نے بتایا کہ ہم اسلاموفوبیا کے خلاف جنگ کیلئے ہر ممکن ہتھیار استعمال کریں گے اور غمزدہ افراد کا ساتھ دیں گے۔
I spoke on the phone this evening with @LdnOntMayor and @NTahir2015 about the hateful and heinous attack that took place in London, Ontario yesterday. I let them know we’ll continue to use every tool we have to combat Islamophobia – and we’ll be here for those who are grieving.
— Justin Trudeau (@JustinTrudeau) June 8, 2021
یاد رہے کہ اِس سے قبل کینیڈا میں اسلام دشمنی کا واقعہ پیش آگیا جس میں ایک ہی مسلمان خاندان کے 4 افراد کو گاڑی کے نیچے روند کر قتل کردیا گیا جبکہ ایک بچہ شدید زخمی ہوا۔
کینیڈین پولیس نے 20 سالہ کینیڈین شہری کو 4 قتل اور 1 اقدامِ قتل کے الزام کے تحت گرفتار کر لیا جس نے گزشتہ روز ایک ہی مسلم خاندان کے 4 افراد کو سوچی سمجھی منصوبہ بندی کے تحت گاڑی کے نیچے روند کر قتل کردیا۔
مزید پڑھیں: کینیڈا میں اسلام دشمنی، مسلم خاندان پر گاڑی چڑھا دی گئی، 4 افراد جاں بحق
