اسلام آباد:وفاقی وزیرمنصوبہ بندی و چیئرمین نیشنل کمانڈ اینڈآپریشن سینٹرنے کہا ہے کہ این سی او سی نے وہ کام کر دکھایا جس کا لوگ سوچ نہیں سکتے تھے،30 سال سے زائد عمر افراد بوسٹر ڈوز لازمی لگوائیں۔
اسلام آباد میں ایک تقریب سے خطاب کرتے ہوئے وفاقی وزیر اسد عمر نے کہا کہ فخر ہے کہ این سی اوسی کے ساتھ کام کا موقع ملا، این سی او سی نے وہ کام کر دکھایا جس کا لوگ سوچ نہیں سکتے تھے، عوام کورونا سے بچاؤ کیلئے ویکسی نیشن ضرور کرائیں۔
اسدعمرنے کہا کہ کورونا سے بچاؤ کے لیے پوری قوم نے مل کر کام کیا، 30 سال سے زائد عمر افراد بوسٹر ڈوز لازمی لگوائیںتاکہ کورونا کی وباء سے محفوظ رہا جاسکے۔
مزید پڑھیں:کورونا کی روک تھام، پاک افغان سرحد پر 1 لاکھ افراد نے ویکسین لگوا لی