انوشکا شرما اور ویرات کوہلی کا بھارت میں کورونا ریلیف فنڈ کیلئے 2 کروڑ روپے کا عطیہ

بھارتی کرکٹ ٹیم کے کپتان ویرات کوہلی اور ان کی اہلیہ بالی ووڈ اداکارہ انوشکا شرما نے بھارت میں کورونا ریلیف فنڈ کیلئے 2 کروڑ روپے کا عطیہ دیدیا ہے۔

اداکارہ انوشکا شرما نے نے ٹویٹر پر اپنے پیغام میں کہا کہ ہمارے ملک میں کورونا کی بدترین لہر جاری ہے اور ہمارے صحت کے نظام کو انتہائی چیلنجوں کا سامنا ہے، اس لئے لوگوں کو تکلیف میں دیکھ کرمیرا دل ٹوٹ جاتا ہے لہٰذا ویرات اور میں نے کورونا متاثرین کیلئے فنڈ اکٹھا کرنے کے لئے مہم شروع کی ہے۔

As our country battles the second wave of Covid-19, and our healthcare systems are facing extreme challenges, it breaks my heart to see our people suffering.

So, Virat and I have initiated a campaign #InThisTogether, with Ketto, to raise funds for Covid-19 relief. pic.twitter.com/q71BR7VtKc

— Anushka Sharma (@AnushkaSharma) May 7, 2021

ایک ویڈیو پیغام میں دونوں میاں بیوی کا کہنا تھا کہ بھارت کے حالات بہت مشکل دور سے گرزرہے ہیں ،ہمیں اپنے ملک کو اس طرح وباء کاشکار ہوتے ہوئے دیکھ کر بہت تکلیف ہوتی ہے ۔

دوسری جانب کورونا وائرس کے بڑھتے ہوئے کیسز کے پیشِ نظر ہالی ووڈ اداکارہ جینیفر آنسٹن نے اپنے مداحوں سے اپیل کی ہے کہ بھارتی عوام کی جس حد تک ممکن ہوسکے، مدد کریں۔

بالی ووڈ فلم انڈسٹری سمیت کورونا وائرس بھارت کے ہر شعبۂ زندگی اور ہر شہر میں تیزی سے پھیل رہا ہے۔ ہالی ووڈ اداکار کورونا وباء کے دوران بھارت کی امداد کیلئے مداحوں سے درخواست کرنے لگے۔

مزید پڑھیں:کنگنا رناوت کورونا وائرس میں مبتلا ہو گئیں، مداحوں سے حوصلے جوان رکھنے کی اپیل

ہالی ووڈ کی معروف اداکارہ جینیفر آنسٹن نے مداحوں سے مدد کی اپیل کرتے ہوئے کہا کہ کورونا بھارت سمیت پوری دنیا کا مسئلہ ہے۔ بہت سے فنکاروں نے بھارت کیلئے مالی امداد بھی جمع کی ہے تاکہ کورونا کے خلاف جنگ میں استعمال ہوسکے۔