گوگل نیوز پر ہمیں فالو کریںکراچی :وزیراعلیٰ سندھ نے کہا ہے کہ عید میلادالنبیﷺ کے جلوس کے لیے مناسب حفاظتی انتظامات کیے جائیںاورشہر کو صاف ستھرا رکھا جائے۔
وزیراعلیٰ سندھ سید مراد علی شاہ نے وزیراعلیٰ ہاؤس میں علماء کرام کے ساتھ اجلاس کی صدارت کرتے ہوئے ڈویژنل انتظامیہ اور پولیس کو ہدایت کی ہے کہ وہ مذہبی جوش و جذبے کے ساتھ عید میلاد النبیﷺ منانے کے لیے تمام تر ضروری اقدامات کریں۔
اجلاس میں صوبائی وزراء سعید غنی ، ناصر شاہ ، فیاض بٹ ، ایڈمنسٹریٹر کے ایم سی مرتضیٰ وہاب ، آئی جی پولیس مشتاق مہر ، سیکریٹری داخلہ قاضی شاہد پرویز ، کمشنر کراچی اقبال میمن ، ایڈیشنل آئی جی کراچی یعقوب منہاس ، سیکریٹری لوکل گورنمنٹ نجم شاہ ، وزیراعلیٰ سندھ کے ایڈیشنل سیکریٹری فیاض جتوئی ، ایم ڈی واٹر بورڈ اسد اللہ خان ، ایم ڈی ایس ایس ڈبلیو ایم بی زبیر چنا نے شرکت کی۔
اجلاس میں شرکت کرنے والے جن علماء میں مفتی منیب الرحمان ، مفتی محمد جان نعیمی ، حاجی حنیف طیب ، علامہ ڈاکٹر جمیل راٹھور ، مولانا محمد یعقوب عطاری ، مفتی عبدالوہاب ، ثروت اعجاز قادری ، علامہ لیاقت اظہری ، حنیف رفیق پردیسی اور علامہ اکبر ڈار شامل تھے۔
مزید پڑھیں:
عید میلادالنبیﷺ، عمران خان کی رہائش گاہ بنی گالہ دلہن کی طرح سج گئی، تصاویر وائرل
ننکانہ صاحب، گوردوارہ جنم استھان میں پہلی بار محفلِ میلاد آج ہوگی
آئی جی پولیس اور ایڈیشنل آئی جی کراچی نے وزیراعلیٰ سندھ کو بتایا کہ وہ سیکورٹی انتظامات کے حوالے سے علماء کرام کے ساتھ مختلف اجلاس منعقد کر چکے ہیں ۔ اسی طرح ایڈمنسٹریٹر کے ایم سی نے بتایا کہ وہ بھی علماء کرام ور ان کی تنظیموں کے ساتھ اجلاس منعقد کر چکے ہیں اور ان کی تجاویز سے مختلف علاقوں میں سڑکوں کی استر کاری کاکام اور نالوں کی مرمت کی گئی ہے۔
علماء کرام نے وزیراعلیٰ سندھ کو کچھ تجاویز دیں تاکہ عید میلاد النبی ﷺ کے اجتماعات اور جلوس مذہبی جوش و جذبے اور پرامن طریقے سے منعقد کیے جا سکیں۔
Karachi (Oct 16) Sindh CM Syed Murad Ali Shah presides over a joint meeting of Ulema and administration to finalise the arrangement of Eid Milad-u-Nabi activities. pic.twitter.com/LmqDMjwZCt
— CMHouseSindh (@SindhCMHouse) October 16, 2021
