گوگل نیوز پر ہمیں فالو کریںکراچی : شہر قائد میں گزشتہ 24 گھنٹوں کے دوران کورونا سے متاثرہ مزید 26 افراد انتقال کرگئے جبکہ وائرس سے متاثرہ مزید 891 کیسز سامنے آئے ہیں، اس طرح کراچی میں کورونا مثبت کیسز کی شرح 8 فیصد ریکارڈ کی گئی ہے۔
تفصیلات کے مطابق محکمہ صحت سندھ کی جانب سے کراچی میں کوروناکی صورتحال سے متعلق تازہ اعدادو شمار جاری کردیے گئے ، جس میں بتایا گیا ہے کہ گزشتہ 24 گھنٹے میں مثبت کیسز کی شرح 8 فیصد رپورٹ رہی اور صوبے میں 26 افراد کورونا سے انتقال کرگئے۔
محکمہ صحت سندھ کے مطابق گزشتہ 24 گھنٹوں کے دوران سندھ بھر میں 891 کورونا کے نئے کیسز رپورٹ ہوئے ہیں جن میں سے کراچی میں کورونا کے 334 کیسز سامنے آئے جبکہ 650 مریضوں کی حالت تشویشناک اور 56 مریض وینٹیلیٹر پر ہیں۔
خیال رہے ملک بھر میں کورونا وائرس کے یومیہ کیسز میں معمولی کمی دیکھنے میں آئی، گزشتہ 24 گھنٹے کے دوران یومیہ کیسز کی تعداد 3 ہزار سے گھٹ کر 2 ہزار پر جا پہنچی۔
نیشنل کمانڈ اینڈ آپریشن سینٹر کا کہنا تھا کہ گزشتہ 24 گھنٹوں کے دوران کرونا وائرس کے 67 مریض انتقال کر گئے جس کے بعد کرونا وائرس سے مجموعی اموات کی تعداد 26 ہزار 787 ہوگئی۔
این سی او سی کے مطابق ملک میں کووڈ 19 کے مجموعی کیسز کی تعداد 12 لاکھ 7 ہزار 508 اور صحت یاب مریضوں کی مجموعی تعداد 10 لاکھ 90 ہزار 176 ہوگئی ہے۔
یہ بھی پڑھیں: پی ایم ڈی اے بل جمہوریت پر ڈاکہ اور عدلیہ پر حملے کے مترادف ہے، بلاول بھٹو
