گوگل نیوز پر ہمیں فالو کریںممبئی: بالی ووڈ فلم انڈسٹری کے ناقد اور فنکار کمال راشد خان کی فلمی پیشگوئیاں انہیں لے ڈوبیں، قلی نمبر 1 کے پروڈیوسر نے ان کے خلاف مقدمہ دائر کردیا ہے۔
سماجی رابطے کی ویب سائٹ ٹوئٹر پر اپنے پیغام میں کے آر کے نے کہا کہ واشو بھگنانی کو یقین ہے کہ ان کی فلم قلی نمبر ون میرے تبصرے کے باعث بری طرح پٹ گئی اور سپر فلاپ ہوئی۔
پیغام میں کمال راشد خان نے کہا کہ قلی نمبر 1 کے پروڈیوسر نے میرے خلاف ایک مقدمہ دائر کیا ہے تاکہ مجھے اپنی آئندہ فلموں کے متعلق تبصرے سے روک سکیں۔ آج اس کیس کی سماعت ہے۔
کمال راشد خان نے کہا کہ سپریم کورٹ میں آج فلم پروڈیوسر کے دائر کیے گئے کیس کی سماعت ہوگی ، فلم پروڈیوسرز سپریم کورٹ میں لڑ رہے ہیں کہ کے آر کے کو روک لیا جائے، ہماری بھی الگ اہمیت ہے۔
Producer #VashuBhagnani believes that his film #CoolieNo1 was super flop coz of my review. So he filed a case to stop me from reviewing his up coming films. Aaj case Ki Supreme Court Main Hearing hai. Producers are fighting in #SC to stop The Brand KRK🤪Apna Bhi Jalwa hai Yar😁
— KRK (@kamaalrkhan) July 19, 2021
یاد رہے کہ اِس سے قبل بھارتی اداکار اور فلمی ناقد کمال راشد خان نے پیشگوئی کی ہے کہ رنبیر کپور 2022 کے آخر تک عالیہ بھٹ سے شادی کرلیں گے تاہم یہ شادی زیادہ عرصہ نہیں چل سکے گی۔
ٹوئٹر پرگزشتہ ہفتے اپنے پیغام میں کمال راشد خان المعروف کے آر کے نے 8ویں پیشگوئی کرتے ہوئے کہا کہ رنبیر کپور اور عالیہ بھٹ زیادہ سے زیادہ سال 2022 کے آخر تک شادی کرلیں گے۔
مزید پڑھیں: رنبیر کپور عالیہ بھٹ سے شادی کر لیں گے۔کمال راشد خان
خیال رہے کہ اس سے قبل کمال راشد خان نے یہ پیشگوئی کی تھی کہ پریانکا چوپڑا کے شوہر نک جونز آئندہ 10 سال کے اندر اندر انہیں طلاق دے دیں گے۔ انہوں نے یہ پیشگوئی بھی کی کہ بھارتی اداکارہ تبو کبھی شادی نہیں کریں گی۔
Prediction 07- Actress #Tabbu will never ever get married.
— KRK (@kamaalrkhan) July 12, 2021
قبل ازیں 11جولائی کے روز کمال راشد خان نے کہا کہ جو ہونا ہے وہ تو ہو کر رہے گا۔ میرے کہنے سے نہ ہوگا، نہ رکے گا۔ میں یہ پیشگوئیاں اپنی ذاتی جمع تفریق (کیلکولیشن) کو مدِ نظر رکھتے ہوئے کر رہا ہوں۔
Some people are idiots who think Ki Kisi Ke Baare main prediction Karna Galat hai. Jo Hona Hai Woh Toh Hokar Rahega. Mere Kahne Se Naa Hoga Naa Rukega. I am just doing predictions with my calculations.
— KRK (@kamaalrkhan) July 11, 2021
