گوگل نیوز پر ہمیں فالو کریںچیئرمین پیپلز پارٹی و وزیر خارجہ بلاول بھٹو زرداری نے جی 77 اجلاس کی صدارت ملنے پر پاکستانی عوام کا شکریہ ادا کیا ہے۔
سماجی رابطے کی ویب سائٹ ٹوئٹر پر اپنے پیغام میں وزیر خارجہ بلاول بھٹو زرداری نے کہا کہ ہم نے میری زیر صدارت جی 77 وزارتی اجلاس کو اختتام دیا جس کے بعد ہم نے نتائج پر مبنی دستاویز تیار کی ہے۔
بینظیر انکم سپورٹ سماجی تحفظ کا سب سے کامیاب پروگرام ہے۔شازیہ مری
ٹوئٹر پیغام میں وزیر خارجہ بلاول بھٹو زرداری نے کہا کہ ہماری دستاویز میں ترقی پذیر ممالک کیلئے اصلاحاتی ایجنڈا موجود ہے۔ مجھے جی 77 چین کیلئے اجلاس کی صدارت پر خوشی ہے۔
that’s a wrap! concluded G77 ministerial meeting under my chairmanship. Pleased we produced outcome document with consensus that puts forth ambitious reform agenda for benefit of developing world. honored to have had opportunity to server as youngest chair of G77 + China. pic.twitter.com/YQT5d0AKps
— BilawalBhuttoZardari (@BBhuttoZardari) December 16, 2022
پیغام میں وزیر خارجہ نے ویڈیو پیغام بھی شیئر کیا جس میں بلاول بھٹو زرداری نے کہا کہ ہم نے جی 77 پلس چائنہ کی آخری میٹنگ کی سرکردگی کی۔ اجلاس مکمل ہوا جس پر میں پاکستان اور یہاں کے عوام کا شکرگزار ہوں۔
وزیر خارجہ بلاول بھٹو زرداری نے کہا کہ میں پاکستانی عوام کا شکر گزار ہوں کہ مجھے یہ موقع ملا کہ میں جی 77 کا سب سے کم عمر سربراہ بنا جو ہمارے لیے ایک اعزاز کی بات ہے۔ جی 77 تمام ترقی پذیر ممالک کی آواز ہے۔
بلاول بھٹو نے کہا کہ سربراہی کا اعزاز پاکستان کو ملا اور یہ ذمہ داری میں نے آپ کے وزیر خارجہ کے طور پر نبھائی۔ ہم نے اتفاقِ رائے سے کانفرنس کے نتائج پر مبنی دستاویز بھی تیار کر لی ہے جس میں عالمی نظام میں اصلاحات کا مطالبہ کیا گیا ہے۔
