گوگل نیوز پر ہمیں فالو کریںاسلام آباد:فیڈرل بورڈ آف ریونیو (ایف بی آر) کے سابق چیئرمین شبر زیدی کا کہنا ہے کہ ملک بہت اچھا چل رہا ہے، ہم نے بڑی کامیابی حاصل کرلی ہے اور ہم تبدیلی لے آئے، یہ سب غلط ہے، میرے حساب سے ملک دیوالیہ ہوچکا ہے۔
سابق چیئرمین ایف بی آر شبر زیدی کا ایک تقریب سے خطاب میں کہنا تھاکہ ہم کہتے رہے ہیں کہ بہت اچھا ہے، بڑی اچھی چیزیں ہیں اور ملک بڑا اچھا چل رہا ہے، ہم نے بڑی کامیابی حاصل کرلی ہے اور تبدیلی لے آئے ہم مگر یہ سب غلط ہے۔
انہوں نے کہا کہ جب آپ یہ طے کرلیں کہ ہم دیوالیہ ہوچکے ہیں اور اس سے آگے ہمیں چلنا ہے، یہ زیادہ بہتر ہے بہ نسبت اس کے کہ آپ کہیں کہ ملک اچھا چل رہا ہے، میں یہ کردوں گا، میں وہ کردوں گا، یہ سب لوگوں کو دھوکا دینے والی باتیں ہیں۔
شبر زیدی نے خطاب کرتے ہوئے کہا کہ میری رائے کے مطابق اس وقت ملک دیوالیہ ہوچکا، اکاؤنٹنگ کی اصطلاح میں ملک دیوالیہ ہوچکا۔
تقریب سے خطاب کرنے کے بعد سوشل میڈیا پر بیان دیتے ہوئے سابق چیئرمین ایف بی آر نے کہا کہ نجی یونیورسٹی میں ان کے بیان کو غلط رپورٹ کیا جارہا ہے۔
انہوں نے اپنے بیان کا دفاع کرتے ہوئے کہا کہ موجودہ کرنٹ اکاؤنٹ اور مالی خسارے کے معاملات دیوالیہ جیسی تشویش ناک صورت حال ظاہر کر رہے ہیں۔
مزید پڑھیں: آرمی پبلک اسکول کے شہداء کی قربانیاں رائیگاں نہیں گئیں۔وزیر اعظم
