گوگل نیوز پر ہمیں فالو کریںاسلام آباد: پاکستان کے 41 فیصد شہری آئندہ 6 ماہ میں اپنے گھریلو مالی حالات کی بہتری کیلئے پر امید ہیں، جبکہ یہ انکشاف آن لائن سروے میں سامنے آیا۔
سماجی رابطے کی ویب سائٹ ٹوئٹر پر اپنے پیغام میں آن لائن سروے کے ادارے گیلپ پاکستان نے کہا کہ ہر 10 میں سے 4 پاکستانی پر امید ہیں کہ آئندہ 6 ماہ میں ان کے گھریلو مالی حالات بہت بہتر ہوجائیں گے۔
سروے میں پاکستانی شہریوں سے سوال کیا گیا کہ آپ کے خیال میں آج سے 6 ماہ بعد آپ کے گھر والوں کے مالی حالات کیسے ہوں گے؟ سوال کے جواب میں 12 فیصد پاکستانیوں نے کہا کہ گھریلو مالی حالات اب سے بد تر ہوں گے جبکہ 7 فیصد نے کہا کہ حالات بہت بد تر ہوں گے۔
شہریوں کی24فیصد تعداد نے اس رائے سے اتفاق کیا کہ گھریلو مالی حالات آج سے 6 ماہ بعد نہ بہتر ہوں گے نہ بدتر بلکہ جیسے ہیں، ویسے ہی رہیں گے۔ 35 فیصد پاکستانیوں نے کہا کہ حالات بہتر ہوں گے جبکہ 6 فیصد نے کہا کہ مالی حالات بہت بہتر ہوجائیں گے۔ مجموعی طور پر 41فیصد شہری حالات کی بہتری کیلئے پر امید ہیں۔
ہر 10 میں سے 4 پاکستانی پراُمید ہیں کہ آئندہ چھ ماہ میں اُن کے گھریلو مالی حالات بہت بہتر ہوں گے۔
(ڈن اینڈ بریڈ اسٹریٹ اور گیلپ پاکستان کنزیومر کنفڈینس انڈیکس)https://t.co/nhCkSRMMeQ pic.twitter.com/Nwwz3tEdWh— Gallup Pakistan (@GallupPak) March 30, 2021
یاد رہے کہ اِس سے قبل ملک بھر کے 85 فیصد شہریوں کی رائے میں بیمار افراد کی تیمار داری بچوں کا فرض ہوتا ہے جبکہ دُنیا بھر میں یہ یقین رکھنے کی شرح پاکستان سے کہیں کم ہے۔
ٹوئٹر پر گزشتہ برس ستمبر کے دوران اپنے پیغام میں آن لائن سروے کے ادارے گیلپ پاکستان نے سروے کے نتائج شائع کردئیے۔ نتائج کے مطابق 85 فیصد شہریوں کا یہ یقین ہے کہ مریضوں کی عیادت ایک بچے کا فرض ہوتا ہے۔
مزید پڑھیں: مریضوں کی تیمار داری بچوں کا فرض ہے۔85 فیصد شہریوں کی رائے
