گوگل نیوز پر ہمیں فالو کریںقومی ٹیم کے سابق کپتان اور کرکٹ کے عالمی شہرت یافتہ کمنٹیٹر رمیز راجہ نے اسلام آباد میں مندر کی تعمیر پر ردِ عمل دیتے ہوئے بابائے قوم، قائدِ اعظم محمد علی جناح کا ایک قول بیان کیا ہے۔
سماجی رابطے کی ویب سائٹ ٹوئٹر پر اپنے پیغام میں رمیز راجہ نے مندر کی تعمیر کی خبر پر ردِ عمل دیتے ہوئے یاد دہانی کے طور پر قائدِ اعظم کا قول بیان کیا جس میں بابائے قوم نے فرمایا کہ پاکستان میں آپ آزاد ہوں گے جہاں آپ کو اپنی اپنی عبادت گاہوں میں جانے کی اجازت ہوگی۔
بیان کیے گئے قول میں قائدِ اعظم محمد علی جناح نے فرمایاآپ پاکستان میں رہتے ہوئے اپنی مساجد اور مندروں سمیت کسی بھی عبادت گاہ میں جانے کیلئے آزاد ہیں۔ ریاستِ پاکستان میں آپ کا تعلق کسی بھی مذہب، قومیت یا نسل سے ہو، اس کا ریاست کے معاملات سے کوئی تعلق نہیں ہوگا۔
واضح رہے کہ قائدِ اعظم محمد علی جناح کے فرمان کے مطابق ہندو، سکھ اور مسیحی مذہب کے پیروکاروں سمیت اسلامی جمہوریہ پاکستان میں ہر مذہب کے پیروکار نہ صرف آزادی کے ساتھ رہ سکتے ہیں، بلکہ انہیں عبادت گاہوں کی تعمیر اور اپنے اپنے مذاہب کے تحت عبادات کی بجا آوری کے حقوق حاصل ہیں۔
A Reminder:
You are free; you are free to go to your temples. You are free to go to your mosques or to any other places of worship in this State of Pakistan. You may belong to any religion, caste or creed—that has nothing to do with the business of the state
Muhammad Ali Jinnah pic.twitter.com/odVPNSkM9B— Ramiz Raja (@iramizraja) June 25, 2020
