میرے پاس تم ہوکی کامیابی، عائزہ خان کی مقبولیت میں اضافہ، فلموں کی آفرز

لاہور:ڈرامہ سیریل ’’ میرے پاس تم ہو ‘‘کی کامیابی کے بعداداکارہ عائزہ خان کی مقبولیت میں بے پناہ اضافہ ہو گیا۔

بتایا گیا ہے کہ اداکارہ اس وقت ایک نئے ڈرامے ’’ تھوڑا سا حق ‘‘میں کام کر رہی ہیں جبکہ ان کے پاس متعدد نئے پراجیکٹس کی پیشکش بھی موجود ہے۔

تاہم عائزہ خان نے کہا کہ کسی ڈرامے کی مقبولیت کا ہرگز یہ مقصد نہیں کہ میں معیار کو چھوڑ کر تعداد کے پیچھے بھاگ کھڑی ہوں۔

مزید پڑھیں:ٹک ٹاک اسٹار حریم شاہ اور وزیر ریلوے شیخ رشید کی مبینہ ویڈیولیک

ذرائع کے مطابق ڈرامہ سیریل ’’ میرے پاس تم ہو ‘‘ میں پختہ اداکاری کی وجہ سے کئی فلم پروڈیوسر اورہدایتکار بھی انہیں اپنے پراجیکٹ میں لینے کے خواہشمند ہیں۔

اس حوالے سے انہیں فی الحال باضابطہ پیشکش نہیں کی گئی ۔ پاکستان کی نامور اور خوبرو اداکاہ عائزہ خان کا شمار اس وقت پاکستان کی کامیاب اور بہترین اداکاراؤں میں کیا جارہا ہے جس کی وجہ ان کا ڈرامہ ’میرے پاس تم ہو‘ ہے۔