لیول ون کوچنگ کورس میں خواتین کرکٹر حورینہ سجاد سمیت 26 امیدوارشریک ہونگے

کراچی: لیول ون کوچنگ کورس میں خواتین کرکٹر حورینہ سجاد سمیت 26 امیدوارشریک ہونگے۔ لیول ون کوچنگ کورس کا مرحلہ 1 سے 4 جولائی تک حنیف محمد ہائی پرفارمنس سنٹر کراچی میں   مکمل کیا جائے گا۔

4 روزہ کورس نیشنل ہائی پرفارمنس سنٹر کے کوچز راحت عباس ،عمر رشید اور ریجنل  کوچز اعظم خان اور طاہر محمد کے زیر نگرانی جاری رہے گا۔

کورس کے اختتام پر شرکاء کو اسائنمنٹس  دی جائیں گی جو 3 ماہ میں مکمل کرنی ہونگی، کامیابی سے اسائنمنٹس مکمل کرنے امیدواروں کو لیول کوچنگ مکمل کرنے کا سرٹیفیکٹ جاری کیا جائے گا۔

لیول ون کوچنگ میں شرکت کرنے والے امیداروں کو کوچنگ کے بنیادی اصولوں کے ساتھ کمیونیکشن اور پلاننگ کی مہارت دی جائے گی۔

لیول ون کوچنگ کا اگلا مرحلہ پشاور ، راولپنڈی اور ملتان میں اکتوبر ، نومبر اور دسمبر میں منعقد کیا جائے گا۔