گوگل نیوز پر ہمیں فالو کریںواشنگٹن: وزیر خارجہ شاہ محمود قریشی کی امریکا کے سرکاری دورے کے دوران امریکی دارالحکومت میں امریکا کی اعلیٰ قیادت سے ملاقات ہوئی جس کے دوران مشرقِ وسطیٰ میں تناؤ اور مسئلۂ کشمیر کے حل پر گفتگو ہوئی۔
سماجی رابطے کی ویب سائٹ ٹوئٹر پر اپنے پیغام میں وزیر خارجہ شاہ محمود قریشی نے کہا کہ میری امریکی سینیٹ اور خارجہ تعلقات کمیٹی کی قیادت سے اہم ملاقات ہوئی۔
ٹوئٹر پیغام میں وزیر خارجہ شاہ محمود قریشی نے بتایا کہ ملاقات واشنگٹن کے کیپٹل ہل ہوٹل میں ہوئی جس کے دوران پاک امریکا تعلقات پر گفت و شنید ہوئی۔
پیغام میں وزیر خارجہ شاہ محمود قریشی نے کہا کہ میری ملاقات امریکی سینیٹر مننڈیز، چیئرمین آف سینیٹ خارجہ تعلقات کمیٹی، سینیٹ کی خارجہ تعلقات پر سب کمیٹی برائے ایشیاء کے سینیٹرز سے ملاقات ہوئی۔
وزیر خارجہ شاہ محمود قریشی نے بتایا کہ سینیٹر مرفی اور سینیٹر رچ سمیت امریکی اعلیٰ قیادت سے ہونے والی ملاقات کے دوران انہوں نے پاک امریکا تعلقات کے ساتھ ساتھ افغان امن عمل میں پاکستان کے کردار پر بھی بات چیت کی۔
شاہ محمود قریشی نے کہا کہ ملاقات کے دوران مشرقِ وسطیٰ میں تناؤ، کشمیر پر بھارت کے غیر قانونی کرفیو اور علاقائی سلامتی پر اس کے برے اثرات پر گفتگو ہوئی۔
انہوں نے کہا کہ مسئلہ کشمیر کا پر امن حل تلاش کرنا ضروری ہے اور مقبوضہ جموں وکشمیر کی موجودہ صورتحال کے ساتھ ساتھ حقِ خود ارادیت کے حصول پر بھی تبادلۂ خیال کیا گیا۔
Discussed our bilat. relationship, Pakistan’s contribution to the Afghan Peace Process, recent ME tensions & India's illegal lockdown in Occupied J&K with its implications for regional security until peaceful resolution in line with the Kashmiris' right to self determination. https://t.co/E4EXotMd2R
— Shah Mahmood Qureshi (@SMQureshiPTI) January 16, 2020
یاد رہے کہ اس سے قبل وزیر خارجہ شاہ محمود قریشی نے کہا کہ مقبوضہ جموں کشمیر بین الاقوامی طور پر تسلیم شدہ تنازعہ ہے اور مسئلۂ کشمیر اقوامِ متحدہ کے ایجنڈے پر 70 سال سے موجود ہے۔
گزشتہ روز ٹوئٹر پیغام میں وزیر خارجہ شاہ محمود قریشی نے کہا کہ گزشتہ 7 عشروں سے اقوامِ متحدہ کے ادارے سلامتی کونسل کے ایجنڈے میں مقبوضہ کشمیر شامل ہے۔
مزید پڑھیں: مسئلۂ کشمیر اقوامِ متحدہ میں 70 سال سے ہے۔وزیر خارجہ
