گوگل نیوز پر ہمیں فالو کریںکراچی: نیو کراچی صنعتی ایریا میں گزشتہ روز 2 فیکٹریوں میں آگ لگنے کے واقعہ میں متاثرہ ایک فیکٹری کی عمارت زمین بوس ہوگئی جس کے ملبے تلے دب کر 4 فائر فائٹرز جاں بحق ہوگئے۔
ریسکیور ذرائع کے مطابق حادثے میں جاں بحق ہونے والے فائر فائٹرز میں محسن، سہیل، خالد شہزاد اور افضال شامل ہیں۔
ریسکیو ذرائع کا کہنا ہے کہ فیکٹری کے ملبے تلے دب کر 11 فائر فائٹرز سمیت 13 افراد زخمی بھی ہوئے ہیں جنہیں طبی امداد کے لئے ہسپتال منتقل کردیا گیا ہے۔
کراچی سے کالعدم تنظیم کے 2 دہشتگرد گرفتار
واضح رہے کہ کے ایم سی کے فائر فائٹرز گزشتہ روز فیکٹریوں میں لگنے والی آگ بجھانےکے بعد کولنگ کے عمل میں مصروف تھے کہ رات گئے دوبارہ آگ لگ گئی، عمارت منہدم ہونے سے ایک فائر ٹینڈر اور ایک واٹر ٹینکر کو بھی نقصان پہنچا۔
دوسری جانب گورنر سندھ کامران ٹیسوری امدادی کاموں کا جائزہ لینے کیلئے جائے وقوعہ پر پہنچ گئے ہیں اور انہوں نے حادثے میں زخمی ہونے والے افراد کو ہر ممکن طبی امداد کی فراہمی کی ہدایت بھی کی ہے۔
