صحت کارڈ سے استفادہ، لاہور میں ہزاروں افراد نے مفت علاج کروا لیا

لاہور میں صحت کارڈ کی یونیورسل کوریج کا آغاز کردیا گیا ہے جہاں طبی سہولت سے استفادہ کرنےو الے ہزاروں افراد نے اپنا مفت علاج کروایا۔ معاونِ خصوصی عثمان ڈار کا کہنا ہے کہ مفت علاج ہی فلاحی ریاست کا اصل تصور ہے۔

سماجی رابطے کی ویب سائٹ ٹوئٹر پر اپنے پیغام میں وزیرِ اعظم کے معاونِ خصوصی برائے امورِ نوجوانان عثمان ڈار نے کہا کہ لاہور ڈویژن میں صحت کارڈ کی یونیورسل ہیلتھ کوریج شروع کردی گئی ہے۔

یہ بھی پڑھیں:

کورونا وباء کا پھیلاؤ روکنے کیلئے ڈپٹی کمشنر ویسٹ انتظامیہ متحرک ہوگئی

ٹوئٹر پیغام میں معاونِ خصوصی عثمان ڈار نے کہا کہ یونیورسل ہیلتھ کوریج کا آغاز ہوتے ہی چند دنوں میں ہزاروں افراد نے اپنا مفت علاج کروا لیا۔ علاج کروانے والے افراد کی تعداد بڑھ رہی ہے۔

عثمان ڈار نے کہا کہ صحت کارڈ کے پینل پر موجود ہسپتالوں کی تعداد میں بھی اضافہ ہورہا ہے تاکہ صحت کی سب سے بہترین لیکن مفت سہولیات سب کو میسر آئیں، یہی فلاحی ریاست کا اصل تصورہے۔

لاہور ڈویژن میں صحت کارڈ کی یونیورسل ہیلتھ کوریج کا آغاز ہوتے ہی چند دنوں میں ہزاروں افراد نے اپنا مفت علاج کروا لیا، علاج کروانے والے افراد اور پینل پر موجود ہسپتال کی تعداد میں اضافہ ہو رہاہے تا کہ صحت کی سب سے بہترین لیکن مفت سہولیات میسر آسکیں، یہی ہے فلاحی ریاست کا اصل تصور! pic.twitter.com/15SRmqH63X

— Usman Dar (@UdarOfficial) January 16, 2022

معاونِ خصوصی عثمان ڈار کے مطابق لاہور میں 3 ہزار 59، قصور میں 1 ہزار 189، شیخوپورہ میں 688 جبکہ ننکانہ صاحب میں 293 جبکہ مجموعی طور پر 5ہزار229افراد کا علاج مفت ہوا۔