اسلام آباد: وزیراعظم میاں شہباز شریف آج ضلع شانگلہ کا دورہ کریں گے جہاں وہ بیشام کے علاقے میں عوامی اجتماع سے خطاب بھی کریں گے۔
ذرائع کے مطابق پاکستان مسلم لیگ (ن) کی عوامی رابطہ مہم کے تحت منعقد ہونے والے وزیراعظم کے جلسے کی تیاریاں زور و شور سے جاری ہیں، اس جلسے کے دوران وزیراعظم علاقے کی سماجی و اقتصادی ترقی کے لیے تاریخی ترقیاتی پیکج کا اعلان بھی کریں گے۔
اس حوالے سے وزیراعظم کے مشیر انجینئر امیر مقام، جن کا تعلق بھی اسی علاقے سے ہے، نے کہا کہ شانگلہ کے لوگ اپنے وزیراعظم کو دیکھنے کے منتظر ہیں جنہوں نے ایک محنتی سیاستدان کی شہرت حاصل کی ہے۔
یہ بھی پڑھیں: یوکرین ڈونز کانفرنس میں حنا ربانی کھر کی بذریعہ ویڈیو لنک شرکت