آئرلینڈ کیخلاف سیریز کیلئے قومی خواتین کرکٹ اسکواڈ کا اعلان

لاہور: پاکستان کرکٹ بورڈ نے آئرلینڈ کے خلاف 3 ٹی ٹوئنٹی اور 3 ون ڈے میچوں پر مشتمل سیریز کے لیے قومی خواتین کرکٹر ٹیم کے اسکواڈ کا اعلان کردیا۔

پاکستان کرکٹ بورڈ (پی سی بی) کی جانب سے اعلان کردہ 15 رکنی اسکواڈ میں ڈیانا بیگ انجری کے باعث اسکواڈ کا حصہ نہیں ہیں جبکہ فاطمہ ثناء کی واپسی ہوئی ہے۔دونوں ٹیموں کے اسکواڈ کی قیادت بسمہ معروف کرینگی۔

پی سی بی کی جانب سے اعلان کردہ ون ڈے اسکواڈ میں ایمن انور، عالیہ ریاض، فاطمہ ثناء، غلام فاطمہ، کائنات امتیاز، منیبہ علی، نشرہ سندھو، ندا ڈار، عمیمہ سہیل، صدف شمس، سعدیہ اقبال، سدرہ امین، سدرہ نواز اور امِ ہانی شامل ہیں۔

یہ بھی پڑھیں:

ایشیا کپ کیلئے پاکستان روانگی کا فیصلہ بھارتی کرکٹ بورڈ کرےگا۔ روہت شرما

ٹی ٹوئنٹی اسکواڈ میں ایمن انور، عالیہ ریاض، عائشہ نسیم، فاطمہ ثناء، جویریہ خان، کائنات امتیاز، منیبہ علی، ندا ڈار، عمیمہ سہیل، نشرہ سندھو، صدف شمس، سعدیہ اقبال، سدرہ امین اور طوبہٰ حسن شامل ہیں۔

خیال رہے کہ دونوں ٹیموں کے درمیان سیریز 4 سے 16 نومبر تک قذافی اسٹیڈیم لاہور میں کھیلی جائے گی۔