گوگل نیوز پر ہمیں فالو کریںبالی ووڈ کے سپر اسٹار شاہ رخ خان معروف ہدایتکار راج کمار ہیرانی کی ہدایت کاری میں بننے والی فلم میں تاپسی پنو کے ساتھ نظر آئینگے۔
اس خبر کی تصدیق کرتے ہوئے فلم کے ہدایت کار راج کمار ہیرانی کا کہنا تھا کہ پورے کیریئر کے دوران شاہ رخ خان ہمیشہ سےاُن کی فہرست میں شامل رہے ہیں اور وہ ماضی میں بھی کئی دفعہ انھیں فلم میں شامل کرنے کی کوشش کرچکے ہیں تاہم یہ موقع اب ملا ہے۔
شاہ رخ خان نے اپنے ٹوئٹر پیغام میں راج کمار ہیرانی کی تعریف کرتے ہوئے کہا کہ سر آپ تو میرے سانتا کلاز نکلے،آپ شروع کرو میں وقت پر پہنچ جاؤں گا۔
شاہ رخ نے اپنے ٹوئٹ میں راجکمار ہیرانی کے ساتھ کام کرنے کے جذبات کا اظہار کچھ یوں کیا کہ “درحقیقت میں تو سیٹ پر ہی رہنے لگوں گا۔”
یہ بھی پڑھیں: شاہ رخ خان اور راجکمار ہیرانی ساتھ کام کرنے کیلئے تیار
