گوگل نیوز پر ہمیں فالو کریںپاکستانی فلم اسٹار اور سینئر ایکٹر ہمایوں سعید نے عالمی یومِ خواتین کے موقعے پر والدین کے نام پیغام دیتے ہوئے کہا ہے کہ آپ اپنی بچیوں کو اسکول بھیجیں۔
سماجی رابطے کی ویب سائٹ ٹوئٹر پر اپنے پیغام میں فلم اسٹار ہمایوں سعید نے کہا کہ پاکستان میں آج بھی 2 کروڑ 80 لاکھ بچے تعلیم کی نعمت سے محروم ہیں جن میں سے اکثریت لڑکیوں کی ہے۔
فلم اسٹار ہمایوں سعید نے کہا کہ تعلیم سے محروم بچوں میں 1 کروڑ 30 لاکھ کی تعداد میں ہماری بچیاں شامل ہیں۔ حکومتی ادارے اور سیاسی نمائندگان پرائمری اور سیکنڈری اسکولوں کی فراہمی کو یقینی بنائیں۔
ہمایوں سعید نے کہا کہ والدین اپنی بچیوں کو اسکول بھیج کر پاکستان کی ہر بیٹی کا مستقبل محفوظ کرسکتے ہیں۔ اپنی بیٹیوں کو اسکول بھیجیں۔ انہیں اس حق سے محروم نہ کریں۔
انہوں نے کہا کہ کم سے کم 12 جماعتیں ہماری بیٹیوں کا حق ہے۔ انہیں یہ حق دلانا ہمارا فرض ہے۔ والدین کو چاہئے کہ بچیوں کو تعلیم دلائیں تاکہ ملک کا مستقبل محفوظ ہوسکے۔
13 million or the majority of the out-of-school children in Pakistan are girls. Together we can change this! Join @pycapk call to demand #کم_سے_کم_١٢_جماعتیں for our daughters! pic.twitter.com/basE2InG53
— Humayun Saeed (@iamhumayunsaeed) March 8, 2020
