گوگل نیوز پر ہمیں فالو کریںانڈیا میں گوگل میپ پر بھروسا کرکے سیاحوں کا ایک گروپ سیلابی پانی میں اتر گیا۔
موقر معاصر اردو نیوز نے انڈیا ٹوڈے کے حوالے سے اپنی رپورٹ میں بتایا ہے کہ یہ واقعہ ہفتے کی صبح کیرالہ کے ضلع کوٹیام کے علاقے کُرُوپنتھارا میں پیش آیا جہاں حیدرآباد سے آنے والے سیاح اپنی ایس یو وی گاڑی کے ساتھ سڑک پر موجود سیلانی پانی میں جا گرے۔
یہ سیاح حیدر آباد سے الاوپُوزا جا رہے تھے۔ گاڑی میں تین مرد اور ایک خاتون سوار تھے جنہیں پولیس اور مقامی افراد نے ریسکیو کیا۔
خوش قسمتی سے حادثے میں کوئی بھی جانی نقصان نہ ہوا تاہم گاڑی مکمل طور پر پانی میں بہہ گئی جسے کئی گھنٹوں کی محنت کے بعد نکالا گیا۔
جس سڑک پر سیاح سفر کر رہے تھے وہ کیرالہ میں ہونے والی بارشوں کے باعث سیلابی پانی میں ڈوبی ہوئی تھی تاہم ڈرائیور نے رُوٹ چیک کیے بغیر گوگل میپ پر بھروسہ کیا اور گاڑی سیدھے پانی میں اتر گئی۔
خیال رہے کہ رواں برس ریاست تمل ناڈو کے علاقے گودالُور میں کرناٹک سے واپس آنے والے دوستوں کے گروپ نے گوگل میپ کو فالو کرتے ہوئے گاڑی روڈ کے ساتھ آبادی کی طرف جاتی ہوئیں سیڑھیوں پر چڑھا دی تھی۔
