گوگل نیوز پر ہمیں فالو کریںسعودی عرب کی جانب سے بیرون ملک سے حج کے لیے آنے والے عازمین کے لیے ایک اہم ہدایت جاری کی گئی ہے۔
سعودی وزارت حج و عمرہ کے مطابق بیرون ملک سے آئے عازمین کو نسک (Nusuk) کارڈ جاری کیے جائیں گے، عازمین کو نسک کارڈ حج مشنز فراہم کریں گے، نسک کارڈ کے بغیرحج کرنا غیر قانونی ہوگا۔
سعودی حکام کے مطابق بغیر حج پرمٹ کے مکہ مکرمہ کی چیک پوسٹ سے داخل ہونے پر بھی پابندی عائد ہوگی جس کیلئے حدود الحرم کے ارد گرد سکیورٹی فورسز تعینات کردی گئی ہیں۔
سعودی حکام کا یہ بھی کہنا ہے کہ غیر قانونی طور پر مکہ مکرمہ میں داخل ہونے والوں پر بھاری جرمانے عائد ہوں گے اور انہیں قید کی سزا بھی بھگتنا پڑے گی۔
یاد رہے کہ چند روز قبل سعودی عرب نے حج کے باعث ہر قسم کے وزٹ ویزوں پر پابندی عائد کر دی تھی۔
