گوگل نیوز پر ہمیں فالو کریںاسلام آباد: وفاقی وزیر اطلاعات مریم اورنگزیب کا کہنا ہے کہ پنجاب اسمبلی کے کاغذات نامزدگی واپس لینے کی اطلاعات درست نہیں ہیں، فارن ایجنٹ، فتنے فساد، آئین شکن اور گھڑی چور کا ڈٹ کر مقابلہ کرینگے۔
ٹوئٹر پر جاری اپنے پیغام میں مریم اورنگزیب نے کہا کہ اتحادیوں کی جانب سے کاغذات نامزدگی واپس لینے کی اطلاعات جھوٹ ہے، پارٹی قیادت نے ایسا کوئی فیصلہ نہیں کیا، تمام اطلاعات من گھڑت اور محض قیاس آرائیاں ہیں۔
پنجاب اسمبلی کے کاغذات نامزدگی واپس لینے کی اطلاعات جھوٹ،پراپگنڈا اور محض قیاس آرائیاں ہیں۔حکومت میں شامل جماعتیں ایک ہی دن ملک بھر میں الیکشن چاہتی ہیں۔میڈیا ایسی خبر نشر کرنے سے پہلے ترجمان سے تصدیق کرلے۔ فارن ایجنٹ فتنے فساد آئین شکن گھڑی چور کا ڈٹ کر مقابلہ کریں گے https://t.co/cO5ER47bPA
— Marriyum Aurangzeb (@Marriyum_A) April 6, 2023
وزیر اطلاعات نے مزید کہا کہ حکومت میں شامل تمام جماعتیں ایک ہی دن ملک بھر میں الیکشن کی حامی ہیں، میڈیا ایسی خبر نشر کرنے سے پہلے ترجمان سے تصدیق کرلے۔
عمران خان کا سپریم کورٹ کے فیصلے پر قرارداد لانے والوں کیخلاف ریفرنس دائر کرنیکا اعلان
مریم اورنگزیب کا مزید کہنا تھا کہ فارن ایجنٹ، فتنے فساد، آئین شکن اور گھڑی چور کا ڈٹ کر مقابلہ کریں گے۔
لسبیلہ ہیلی کاپٹرکے شہدا کے خلاف مہم ،سائیفر کاجھوٹ گھڑا اور قومی سلامتی کمیٹی کے ذریعے اسے سچ بنانے کی سازش کا مذموم اور گندا کھیل تم نے کھیلا تھا.چیف جسٹس کی تصویر پے جوتے،نیوٹرل اسٹیبلشمنٹ جانور ، اوئے زیبا جج، ٹیرین کے ابو، آئین شکن، فارن ایجنٹ، گھڑی چور نااہل اب صرف تم ہوگے https://t.co/jmfvMb03w2
— Marriyum Aurangzeb (@Marriyum_A) April 6, 2023
دوسری جانب وفاقی وزیر مریم اورنگزیب نے چیئرمین پی ٹی آئی عمران خان کی ٹویٹ پر ردعمل دیتے ہوئے کہا کہ لسبیلہ ہیلی کاپٹر کے شہدا کے خلاف مہم، سائیفر کا جھوٹ گھڑا اور قومی سلامتی کمیٹی کے ذریعے اسے سچ بنانے کی سازش کا مذموم اور گندا کھیل تم نے کھیلا تھا۔
چیف جسٹس کی تصویر پے جوتے، نیوٹرل اسٹیبلشمنٹ جانور، اوئے زیبا جج، ٹیرین کے ابو، آئین شکن، فارن ایجنٹ اور گھڑی چور نااہل اب صرف تم ہوگے۔
