گوگل نیوز پر ہمیں فالو کریںلاہور: گورنر پنجاب بلیغ الرحمان کی جانب سے سمری پر دستخط سے انکار کے بعدمقررہ وقت ختم ہونے پر پنجاب از خود اسمبلی ٹوٹ گئی۔
ذرائع کے مطابق گورنر پنجاب اسمبلی توڑنے کے عمل کا حصہ نہیں بنے۔ گورنر پنجاب نے سمری پر دستخط کرنے سے انکار کرتے ہوئے کہا کہ ایسا کرنے سے آئینی عمل میں کسی قسم کی رکاوٹ کا اندیشہ نہیں، آئین، قانون میں وضاحت کیساتھ تمام معاملات کے آگے بڑھنے کا راستہ موجود ہے۔
ذرائع کے مطابق نگراں وزیر اعلیٰ آنے تک چوہدری پرویز الہٰی ہی وزیراعلیٰ کے عہدے کو سنبھالیں گے۔
پنجاب میں نگران سیٹ اپ کیلئے عمران خان نے کل پرویز الہٰی سے ملاقات کا فیصلہ کیا ہے،تحریک انصاف کے سربراہ عمران خان اور چوہدری پرویز الہٰی کی کل زمان پارک میں ملاقات طے ہے۔
دونوں رہنماؤں کی ملاقات میں نگران سیٹ اپ کیلئے ناموں پرمشاورت کی جائے گی، عمران خان مشاورت کے بعد چوہدری پرویز الٰہی کو نگران سیٹ اپ کیلئے نام دیں گے۔
دوسری جانب ن لیگ کے قائد نواز شریف نے ویڈیو لنک کے ذریعے مسلم لیگ ن کے اجلاس کی صدارت کی، اجلاس میں شہباز شریف، رانا ثنا اللہ، اعظم نذیر تارڑ اور دیگر اہم رہنما بھی شریک تھے۔
مزید پڑھیں:ایم کیو ایم پاکستان کا بلدیاتی انتخابات میں بھرپور حصہ لینے کا فیصلہ
ذرائع کا بتانا ہے کہ نواز شریف نے ہدایت کی کہ پورے پنجاب میں پارٹی کے رہنما اور ورکر متحرک ہو جائیں، نواز شریف نے پارٹی رہنماؤں کو پنجاب میں الیکشن کی تیاری کرنے کی ہدایت دیتے ہوئے کہا کہ ن لیگ کے امیدوار بھرپور طریقے سے الیکشن میں حصہ لینے کی تیاری کریں۔
