پاکستان کے جوجٹسو کھلاڑیوں نے 9میڈلز جیت کر قوم کا سر فخر سے بلند کیا

موسم

قیمتیں

ٹرانسپورٹ

کراچی:3 سے 11 ستمبر 2021 تک جوجٹسو انٹرنیشنل فیڈریشن کے زیر اہتمام ورلڈ جوجٹسو ای ٹورنامنٹ برائے شو سسٹم میں 7 گولڈ اور 2 سلور میڈل جیت کر پاکستان کے جوجٹسو کھلاڑیوں نے ایک بار پھر ہماری قوم کا سر فخر سے بلند کیا۔

ورچوئل فارمیٹ میں 64 ٹیموں نے ایونٹ میں حصہ لیا۔ پاکستان نے نو تمغے جیت کر میڈل ٹیبل پر دوسری پوزیشن حاصل کی۔ واضح رہے کہ یہ تمام کھلاڑیوں کی پہلی کارکردگی تھی کیونکہ انہوں نے پہلی بار کسی بین الاقوامی سطح کے ایونٹ میں حصہ لیا۔

احد بھٹی اور سحر اعجاز نے انڈر 18 مکسڈ شو میں گولڈ میڈل جیتا۔ محمد آیان اور سید روحان مہدی نے انڈر18مین شو میں گولڈ میڈل جیتا۔ محمد روحان خان اور ریشل خان نے انڈر 16 مکسڈ شو میں گولڈ میڈل جیتا۔

محمد یوسف علی اور محمد روحان خان نے انڈر 16 مین شو میں گولڈ میڈل جیتا۔ محمد علی اور حفظہ افتخار نے انڈر 14 مکسڈ شو میں گولڈ میڈل جیتا۔ ایشل فاطمہ اور مشال فاطمہ نے انڈر 12 ویمن شو میں گولڈ میڈل جیتا۔ ردا سلمان اور محمد عبداللہ نے انڈر 12 مکسڈ شو میں گولڈ میڈل جیتا۔

علی مختار اور عمر سعید نے انڈر 21 مین بیگینر کیٹیگری میں سلور میڈل جیتا۔ زین العابدین اور عفیف الحسن نے انڈر 14 مین شو میں سلور میڈل جیتا۔

مزید پڑھیں:شاہ زیب خان نے مکس مارشل آرٹس چیمپئن شپ میں گولڈ میڈل جیت لیا

فیڈریشن نے اس ایونٹ میں جونیئر کیٹیگری کی کارکردگی پر توجہ مرکوز کی تھی ، مارچ 2021 میں منعقد ہونے والے آخری ورلڈ جو جیتسو ای ٹورنامنٹ میں کائنات عارف اور اسرا وسیم کے جیتے ہوئے گولڈ میڈل کو مدنظر رکھتے ہوئے۔ہم اپنے نوجوان باصلاحیت کھلاڑیوں کو ای ٹورنامنٹ میں شاندار کارکردگی پر مبارکباد پیش کرتے ہیں۔