گوگل نیوز پر ہمیں فالو کریںلاہور: پاکستان ویمن ٹیم کی کرکٹر ندا ڈار کو ٹیم کا کپتان مقرر کردیا گیا ہے۔
اس کے علاوہ پاکستان کرکٹ بورڈ (پی سی بی) نے مارک کولز کو دوبارہ ویمنز ٹیم کا ہیڈ کوچ اور سلیم جعفر کو چیف سلیکٹر مقرر کردیا ہے۔
گزشتہ ماہ پاکستان ویمن کرکٹ ٹیم کی کپتان بسمہ معروف نے ٹیم کی قیادت سے دستبرداری کا اعلان کیا تھا، جس کے بعد چیئرمین پی سی بی منیجمنٹ کمیٹی نجم سیٹھی نے ندا ڈار کے کپتان مقرر کیے جانے کی منظوری دے دی۔
شاہین شاہ آفریدی نے 23 ویں سالگرہ سُسرال میں منائی
نجم سیٹھی نے کہا کہ ندا ڈار باصلاحیت کھلاڑی ہیں اور بہترین کپتان بھی ثابت ہوں گی ۔
دوسری جانب ندا ڈار نے کہا کہ پاکستان ویمنز ٹیم کی کپتانی کرنا میرے لیے اعزاز ہے، بسمہ معروف بھی مبارکباد کی مستحق ہیں جنہوں نے اپنے دور میں بہترین کپتانی کی۔
واضح رہے کہ ندا ڈار کا بطور کپتان پہلا دورہ جنوبی افریقا کا ہوگا جو رواں برس اگست کے مہینے میں شیڈولڈ ہے۔
