گوگل نیوز پر ہمیں فالو کریںآن لائن ویڈیو اسٹریمنگ پلیٹ فارم نیٹ فلکس نے ہرسال 8مارچ کو منائے جانے والے عالمی دن کی مناسبت سے خواتین کے گرد گھومتی ہوئی فلمز اور سیریز پیش کرنے کا فیصلہ کرلیا ہے۔
تفصیلات کے مطابق 8مارچ کو ہر سال خواتین کا عالمی دن منایا جاتا ہے تاہم یہ وہ واحد دن نہیں جب ہم خواتین کی قابلیت اور محنت کی تعریف کرتے ہیں بلکہ زندگی کا ہر روز خواتین کی اپنے اہلِ خانہ اور دیگر رشتوں کیلئے کاوشوں کی تعریف کرتے ہی گزرتا ہے۔
نیٹ فلکس انتظامیہ نے خواتین کی ہمت و جرأت کو خراجِ تحسین پیش کرنے کیلئے ایسی کہانیوں پر مبنی فلمز اور سیریز پیش کرنے کا فیصلہ کیا ہے جو نسوانی طاقت اور اظہار کو جلا بخشیں۔ ذیل میں ایسی ہی کچھ پیشکشوں کا ذکر پیشِ خدمت ہے۔
کوین
ملکہ یعنی کوین کی کہانی ایک 24 سالہ لڑکی رانی کے گرد گھومتی ہے جو اپنے منگیتر کی جانب سے شادی منسوخ کیے جانے پر اکیلے ہی ہنی مون منانے کیلئے چل پڑتی ہے۔ فلم میں خواتین کی آزادی اور زندگی کی مشکلات کا سامنا کرنے کیلئے بہادری کو سراہا گیا ہے۔
دی مدر
ماضی میں نامساعد حالات کے باعث اپنی بیٹی کو چھوڑ دینے والی ماں جو پیشہ ور قاتل بن جاتی ہے، دی مدر ایسی ہی ایک ماں کی کہانی ہے جو اپنی بیٹی کی زندگی بچانے کیلئے کسی بھی قربانی سے دریغ نہیں کرتی۔
لٹل وومن
ماضی و حال کی حقیقتوں کا سامنا کرتی یہ کہانی ینگ اپ اور کمر جو مارچ کی نظروں سے زندگی کو دیکھنے پر مجبور کرتی ہے جس میں دکھایا گیا ہے کہ کہانی کے مرکزی کردار کس طرح امید، توانائی اور محبت سے اپنی اپنی زندگی گزارتے ہیں۔
ڈاکٹر چا
بیس سالہ ہاؤس وائف کی زندگی پر مبنی کہانی ایک ایسی خاتون کے گرد گھومتی ہے جو غیر متوقع بحران کا سامنا کرنے کے بعد اپنے طبی کیرئیر کو دوبارہ شروع کرتی ہے۔
مسز چیٹر جی ورسز ناروے
ساگریکا چکربورتی اور شوہر جو ناروے میں رہنے والے ایک جوڑے کے حقیقی نام ہیں اور جن کے بچوں کو نارویجن چائلڈ ویلفیئر سروسز نے خالص بھارتی عادات کے باعث ان سے لے لیا تھام، کی حقیقی کہانی پر مبنی مسز چیٹرجی ورسز ناروے ایک خوبصورت کہانی ہے۔
میمی
آخر میں میمی کا ذکر بھی، جو راجستھان سے تعلق رکھنے والی جز وقتی رقاصہ کی کہانی پر مبنی ہے جو بالی ووڈ اداکارہ بننے کیلئے امریکی جوڑے کو خدمات مہیا کرنے پر راضی ہوجاتی ہے۔ فلم کی کہانی بہت محنت سے تحریر کی گئی ہے۔
